រាជធានីភ្នំពេញ ៖ យុវជនម្នាក់បើកបរម៉ូតូស្មាស់ពណ៌ខ្មៅ ក្នុងល្បឿនលឿន ហើយជាន់ហ្វ្រាំងមិនទាន់ ជ្រុលទៅបុកគូទម៉ូតូវីវ៉ា ពណ៌ខ្មៅ បើកបរដោយបុរសចំណាស់ម្នាក់ក្នុងដំណើរស្របទិសគ្នា ជាហេតុបណ្ដាលឱ្យខូចខាតម៉ូតូទាំងសងខាង កាលពីវេលាម៉ោង៦ និង៤៥នាទីល្ងាចថ្ងៃទី១ ឧសភា ឆ្នាំ២០១២ ក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេឃើញយុវជនម្នាក់បើកបរម៉ូតូស្មាស់ ពណ៌ខ្មៅ តាមបណ្ដោយផ្លូវសហព័ន្ឋរុស្ស៊ី ពីលិចទៅកើតក្នុងសភាពស្រវឹងស្រាជោកជាំ ហើយមានល្បឿនលឿនផងនោះ ក៏ជ្រុលទៅបុកគូទម៉ូតូវីវ៉ា ពណ៌ខ្មៅ បើកបរដោយបុរសចំណាស់ម្នាក់ពេញទំហឹងបណ្ដាលឱ្យម៉ូតូស្មាស់ខ្ទេច ផ្នែកខាងមុខ ។ ចំណែកឯម៉ូតូវីវ៉ាខ្ទេចផ្នែកខាងក្រោយ តែសំណាងល្អពុំបណ្ដាលឱ្យមនុស្សណាម្នាក់ រងរបួសធ្ងន់ធ្ងរនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ដោយ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]