ឆ្លង​ចរន្ត​អគ្គិសនី​ ព្រះ​អគ្គី​លេប​ត្របាក់ផ្ទះ​ប្រជាពល​រដ្ឋ​៥ខ្នងក្លាយជាផេះផង់​ (មាន​វីដេអូឃ្លីប​)

ខេត្តកណ្តាល ៖ លំនៅឋានប្រជាពលរដ្ឋ៥ខ្នង ធ្វើអំពីឈើលើ ថ្មក្រោម ប្រក់ស័ង្កសី បានត្រូវព្រះអគ្គីលេបត្របាក់អស់ក្លាយជាផេះផង់ កាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី២៥ តុលា ២០១៣ នៅមុខពន្ឋនាគារខេត្ត ស្ថិតក្នុងសង្កាត់ព្រែកប្ញស្សី ក្រុងតាខ្មៅ ។

បើតាមសេចក្តីរាយការណ៍ពីអ្នកឆ្លើយឆ្លង ព័ត៌មានកោះសន្តិភាពបានឱ្យដឹងថា ហេតុការណ៍អគ្គិភ័យនេះ ពុំបណ្តាលឱ្យនរណាម្នាក់រងរបួស ឫស្លាប់នោះទេ ហើយរថយន្តពន្លត់អគ្គិភ័យ២គ្រឿងបាន ទៅអន្តរាគមន៍បាញ់ទឹកពន្លត់ ដោយប្រើប្រាស់ទឹកអស់៧ឡាន តែអំណាចនៃការឆាបឆេះខ្លាំងខ្លាពេក ទើបឆេះរាលដាលអស់ផ្ទះ៥ខ្នងតែម្តង ។ មូលហេតុនៃការឆាបឆេះ ជំហានដំបូងសង្ស័យឆ្លងចរន្តអគ្គិសនី ៕