រាជធានីភ្នំពេញ ៖ យ៉ាងហោចណាស់មានមនុស្ស៣នាក់រងរបួសនៅក្នុងការប៉ះទង្គិចគ្នារវាងយុវជនពីរក្រុមមានស្រីមានប្រុស បន្ទាប់ពីមានទំនាស់គ្នានៅកន្លែងផឹកស៊ីដោយសារនិយាយឌឺដងឱ្យស្រីដែលមិនមែនមិត្តភក្តិខ្លួនថា មុខយ៉ាងកញ្ចាស់ ។
អំពើហិង្សានេះបានកើតឡើងកាលពីវេលាម៉ោង៩និង១៥នាទីយប់ថ្ងៃទី១ ឧសភា ២០១២ មុខភោជនីយដ្ឋានវីហ្វ្រិនក្រោយមន្ទីរពេទ្យកុមារជាតិតាមផ្លូវលេខ១២២ សង្កាត់ទឹកល្អក់ទី១ ខណ្ឌទួលគោក បង្កឱ្យមានការភ្ញាក់ផ្អើលយ៉ាងខ្លាំងដោយភ្ញៀវដែលកំពុងផឹកស៊ីរត់ជាន់ជើងគ្នា។
ជនរងគ្រោះក្នុងការវាយតប់គ្នា ១-ឈ្មោះហាក់ ងួនពិសី ភេទប្រុស អាយុ២០ឆ្នាំ ជានិស្សិត មានលំនៅក្នុងសង្កាត់បឹងសាឡាង ខណ្ឌទួលគោក បានរងរបួសដៃខាងឆ្វេង ២-ឈ្មោះលន់ លាងហ៊ី ភេទប្រុស អាយុ២២ឆ្នាំ ជាអ្នកបោះពុម្ពខោអាវមានលំនៅភូមិទួលគោក សង្កាត់ទួលសង្កែ ខណ្ឌឫស្សីកែវ រងរបួសមាត់ និងក្តោងច្រមុះ និង៣-ឈ្មោះជ័យ ចំរើន ភេទប្រុស អាយុ២១ឆ្នាំ ជានិស្សិតមានទីលំនៅសង្កាត់ស្ទឹងមានជ័យ រងរបួសពកក្បាល។ ចំណែកជនរងគ្រោះដែលត្រូវចាប់ខ្លួនឈ្មោះនៅ ច័ន្ទមង្គល ហៅយ៉ារ៉ូ ជានិស្សិតមានទីលំនៅសង្កាត់បឹងកេងកងទី១ ខណ្ឌចំការមន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]