ប្តីប្រពន្ធ​​វៀតណាម​ឈ្លោះ​​ប្រកែកគ្នា ​ដុតខោអាវ​ចោល​ ធ្វើឱ្យ​​ផ្អើល​ភ្លើង​​ឆេះផ្ទះ

រាជធានីភ្នំពេញ ៖ កម្លាំងកងរាជអាវុធហត្ថ និងសមត្ថកិច្ច បានចុះទៅអន្តរាគមន៍ ខណៈដែលមានការភ្ញាក់ផ្អើលថា មានភ្លើងឆេះផ្ទះ ពេលឡើងទៅដល់ ឃើញ២នាក់ប្តីប្រពន្ធ ជាជនជាតិវៀតណាម កំពុងឈ្លោះប្រកែកគ្នា និងដុតខោអាវចោល ធ្វើឱ្យហុយផ្សែងពេញផ្ទះ។

ហេតុការណ៍នោះកើតឡើង កាលពីវេលាម៉ោង១១ និង១៥នាទីយប់ថ្ងៃទី២១ តុលា ២០១៣ ស្ថិតនៅបន្ទប់ជួលជាន់ទី២ ផ្លូវលេខ១៩៩ សង្កាត់វាលវង់ ខណ្ឌ៧មករា ។

តាមប្រភពពីប្រជាពលរដ្ឋឱ្យដឹងថា ខណៈពេលឃើញផ្សែងហុយ ចេញពីបន្ទប់ជួលជាន់ទី២ ធ្វើឱ្យអ្នកជិតខាងភ័យស្លន់ស្លោថា មានអគ្គិភ័យកើតឡើង ក៏បានទូរស័ព្ទប្តឹងសមត្ថកិច្ច ឱ្យចុះទៅជួយអន្តរាគមន៍ ។ លុះពេលកម្លាំងចុះទៅដល់ រួមជាមួយប្រជាពលរដ្ឋ ស្រាប់តែឃើញ២នាក់ប្ តីប្រពន្ធនោះឈ្លោះប្រកែកគ្នា ហើយយកខោអាវមួយវ៉ាលីស ដុតចោលធ្វើឱ្យផ្សែងហុយទ្រលោម ពេលនោះប្រជាពលរដ្ឋ បានយកវ៉ាលីសនោះទៅទម្លាក់ចោល ទៅខាងក្រោមតែម្តង ។