រាជធានីភ្នំពេញ ៖ នារីវ័យក្មេងម្នាក់បន្ទាប់ពីរាំ លេងសប្បាយក្នុងក្លិប ពេលចេញមកវិញដើរតាមផ្លូវត្រូវជន សង្ស័យម្នាក់ក្នុងចំណោម ៣នាក់ វាយឲ្យសន្លប់ ហើយនាំយកទៅរំលោភនៅក្នុងវត្តវង្កតបូរី កាលពីវេលាម៉ោង ២ និង ១៥នាទី យប់រំលងអាធ្រាត្រឈានចូលថ្ងៃទី២២ តុលា ២០១៣ ស្ថិតក្នុងសង្កាត់ទឹកថ្លា ខណ្ឌសែនសុខ។
នារីរងគ្រោះឈ្មោះ ហ.វ.ល អាយុ ២៦ឆ្នាំ ស្នាក់នៅខាងក្រោយផ្សារដីហ៊ុយ បានរៀបរាប់ឲ្យដឹងថា នៅមុនពេលកើតហេតុ វេលាម៉ោង ១០យប់ នាងបានទៅរាំលេងនៅក្នុងក្លិបអេឡិចត្រូ ដែលនៅតាមបណ្តោយផ្លូវ៥៩៨ ក្នុងសង្កាត់ភ្នំពេញថ្មី លុះដល់ម៉ោង ១យប់រំលងអាធ្រាត្រ នាងក៏ចេញពីក្លិបត្រលប់ទៅផ្ទះវិញ ដោយដើរតាមមហាវិថីសហព័ន្ធរុស្ស៊ី។
នារីរងគ្រោះបន្តថា ខណៈដែលដើរដល់មុខរោងចក្រកាត់ដេរ គង់ ហុង ស្រាប់តែមានជនសង្ស័យ ៣នាក់ ជិះម៉ូតូវីវ៉ា ១គ្រឿង មកបបួលនាងទៅគេងជាមួយពួកគេ ដោយឲ្យលុយចំនួន ១០ដុល្លារ នារីរងគ្រោះក៏យល់ព្រម តែដល់ជនសង្ស័យទាំងនោះ និយាយថា នាំនាងទៅវត្ត នាងក៏បានបដិសេធវិញ ទើបជនសង្ស័យម្នាក់ក្នុងចំណោមបក្ខពួក ៣នាក់ វាយនាងឲ្យសន្លប់ ហើយនាំនាងយកទៅរំលោភ នៅក្នុងវត្តវង្កតបូរី រហូតបានសម្រេច។
ក្រោយពីនារីរងគ្រោះដឹងខ្លួនឡើងវិញ ជនសង្ស័យបានរត់គេចខ្លួនបាត់ នារីរងគ្រោះបានទូរស័ព្ទចូលវិទ្យុ ABC ដើម្បីផ្តល់ដំណឹងដល់សមត្ថកិច្ច៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
