ប្តីប្រពន្ធមួយគូ ធ្វើដំណើរផ្សងព្រេងយ៉ាងឆ្ងាយ ជាមួយរទេះរុញម្នាក់មួយ មិនគួរអោយជឿ!

ដំណើរផ្សងព្រេង ពិតជាលំបាក និងមិនមែនជារឿងងាយស្រួលឡើយ ដោយសារតែលោកអ្នកត្រូវជួបនឹងបញ្ហាជាច្រើន ដូចជាជម្ងឺឈឺស្កាត់ ការនឿយហត់អស់កម្លាំង បម្លាស់ប្តូរអាកាសធាតុ និងរបបអាហារជាដើម ដែលធ្វើអោយអ្នកផ្សងព្រេងជាច្រើន បានបោះបង់ចោលក្តីស្រមៃរបស់ខ្លួន ទាំងនៅពាក់កណ្តាលទី គួរអោយសោកស្តាយផងដែរ។

ប៉ុន្តែបើងាកទៅមើលប្តីប្រពន្ធមួយគូ ដែលប្តីមានឈ្មោះថា David Lowrie និងប្រពន្ធមានឈ្មោះ Katharine បានធ្វើអោយបណ្តាញសារព័ត៌មានអន្តរជាតិជាច្រើន ភ្ញាក់ផ្អើលជាមួយនឹងដំណើរផ្សងព្រេងរបស់ពួកគាត់ អស់រយៈចំងាយជាង ១០ ៣០០គីឡូម៉ែត្រ នៅតំបន់អាមេរិកខាងជើងកន្លងទៅនេះ។

ជាមួយនឹងរទេះរុញម្នាក់មួយ ពួកគាត់ទាំងពីរបានផ្ទុករបស់របរប្រើប្រាស់ ព្រមទាំងសម្លៀកបំពាក់ នៅពីលើរទេះរុញ ចំណែកឯគ្រឿងចម្អែតក្រពះគឺពឹងផ្អែកទៅលើសត្វដែលស្លាប់នៅតាមបណ្តោយផ្លូវ ដែលនេះជាអាហារដ៏មានឈ្ងុយឆ្ងាញ់បំផុតនោះហើយ។

គួរបញ្ជាក់ផងដែរថា ក្នុងដំណើរពីទ្វីបអាមេរិកខាងជើងមកកាន់ឆ្នេរសមុទ្រ Caribbean នេះ អ្នកទាំងពីរបានឆ្លងកាត់នូវព្រៃរនាម ជួរភ្នំព្រិល និងត្រូវអូសរទេះដែលមានទម្ងន់រហូតដល់ទៅ ១០០គីឡូក្រាមថែមទៀតផង។

តើប្រិយមិត្តយល់យ៉ាងណាដែរ ចំពោះរឿងនេះ?

ប្រភព៖ មេត្រូ

ដោយ RoMeo

ខ្មែរឡូត