រាជធានីភ្នំពេញ ៖ នារីវ័យ១៨ឆ្នាំម្នាក់បានបាត់បង់អស់ព្រហ្មចារីដោយសារតែប្រុសព្រានជនជាតិវៀតណាមបានសមគំនិតជាមួយស្ត្រីម្នាក់លួងលោមនាងតាមទូរស័ព្ទណាត់គ្នាមកផឹកស៊ីរហូតស្រវឹងរួចបន្លំចាប់នាងរំលោភសេពសន្ថវៈឡើងឆ្អែតឆ្អន់តាមកំហឹងតណ្ហារបស់ខ្លួន ។ ហេតុការណ៍នេះ បានកើតឡើងនៅភូមិសន្សំកុសល សង្កាត់បឹងទំពុន ខណ្ឌមានជ័យ កាលពីថ្ងៃទី៩ មករា កន្លងទៅ ហើយនារីរងគ្រោះបានប្តឹងសមត្ថកិច្ចឱ្យចាប់ខ្លួនបុរស-ស្ត្រី២នាក់នោះ យកមកផ្តន្ទាទោសតាមច្បាប់កាលពីថ្ងៃទី១៥ មករា ។
ជនជាប់ចោទចាប់រំលោភដែលត្រូវសមត្ថកិច្ចឃាត់ខ្លួនខាងលើ ឈ្មោះដូ ជីតាំ អាយុ២០ឆ្នាំ ជាកម្មករសំណង់ ជនជាតិវៀតណាម ស្នាក់នៅផ្ទះជួលក្នុងភូមិសង្កាត់ខាងលើ ។ ចំណែកឯស្ត្រីដែលជាប់ចោទសមគំនិតលួងលោមនារីរងគ្រោះនាំយកមកឱ្យឈ្មោះដូ ជីតាំ រំលោភនោះ ឈ្មោះងួន ស្រីម៉ី អាយុ១៨ឆ្នាំ ។ ឈ្មោះដូ ជីតាំ និងឈ្មោះងួន ស្រីម៉ី មានទីលំនៅជាមួយគ្នា ។
តាមប្រភពព័ត៌មានទាក់ទិននឹងការឃាត់ខ្លួនជនជាប់ចោទទាំងពីរខាងលើបានឱ្យដឹងថា មុនពេលឃាត់ខ្លួនឈ្មោះដូ ជីតាំង និងឈ្មោះងួន ស្រីម៉ី បានបង្កើតកម្មវិធីផឹកស៊ីនៅផ្ទះដែលពួកគេជួលស្នាក់នៅជាមួយគ្នា ។ ឆ្លៀតឱកាសនោះឈ្មោះស្រីម៉ី បានបង្ហើបពីរឿងស្គាល់នារីរងគ្រោះតាមទូរស័ព្ទប្រាប់ឈ្មោះដូ ជីតាំ ពេលនោះឈ្មោះដូ ជីតាំ ក៏បានឱ្យណាត់នារីរងគ្រោះតាមទូរស័ព្ទមកផឹកស៊ីរួមគ្នាដោយណាត់កន្លែងជួបគ្នានៅផ្សារសុវណ្ណា ។
ការណាត់គ្នាតាមទូរស័ព្ទនោះធ្វើឱ្យនារីរងគ្រោះលង់ខ្លួនលង់ប្រាណតាមក្រុមកម្មករសំណង់ដែលបបួលផឹកស៊ីស្រវឹងដេកវង្វេងផ្ទះចោលឪពុកម្តាយអស់១យប់ ហើយត្រូវឈ្មោះដូ ជីតាំ ចាប់រំលោភសេពសន្ថវៈពីរយប់ ទើបបែកធ្លាយដឹងដល់ក្រុមគ្រួសារតាមចាប់ខ្លួនឈ្មោះដូ ជីតាំ និងឈ្មោះងួនស្រីម៉ី ប្រគល់ឱ្យសមត្ថកិច្ចធ្វើការផ្តន្ទាទោសតាមច្បាប់ ។
ជុំវិញហេតុការណ៍ខាងលើនេះ នារីរងគ្រោះដែលសុំមិនបញ្ចេញឈ្មោះបាននិយាយប្រាប់សមត្ថកិច្ចថា នៅយប់ថ្ងៃកើតហេតុ ខ្លួនស្រវឹងអត់ដឹងអ្វីទាំងអស់ ពេលភ្ញាក់ដឹងខ្លួនឡើង ស្រាប់តែឃើញខ្លួនស្លៀកពាក់រ៉ូបរាត្រីហើយសើយមួយកំណាត់ក្រោមអស់ និងឃើញឈ្មោះដូ ជីតាំ ដេកអោបដូចប្តីប្រពន្ធ ។
ចំពោះបញ្ហាខាងលើនេះ នារីវ័យក្មេងទាំងឡាយសូមកុំយកតម្រាប់តាមនារីក្នុងសាច់រឿងខាងលើនេះឱ្យសោះព្រោះវាងាយគ្រោះថ្នាក់ខ្លាំងណាស់។ ម្យ៉ាងទៀត វាខុសពីចរិតដ៏ល្អផូរផង់របស់នារីខ្មែរយើងដែលតែងគោរពតាមដំបូន្មានឪពុកម្តាយ មិនដើររហេតរហូតផឹកស៊ីស្រវឹងលែងដឹងខ្លួនរហូតត្រូវប្រុសព្រានប្លន់ព្រហ្មចារីបែបនេះឡើយ ។
ឈ្មោះដូ ជីតាំ និយាយថា ពិតជាបានរំលោភសេពសន្ថវៈលើនារីរងគ្រោះប្រាកដមែន ។ លើសពីនេះទៅទៀត គេនិយាយថា នាងដែលរូបគេរួមរ័កនោះ «អេម ណាស់» ៕
ដកស្រង់រូបភាពពីគេហទំព័រដើមអម្ពិល និងអត្ថបទពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]