រាជធានីភ្នំពេញ ៖ បុរសម្នាក់ដោយសារលេងល្បែង រហូតដល់លង់ខ្លួនអស់ម៉ូតូ និងប្រពន្ធបានលែងលះទៀត ក៏តូចចិត្តបញ្ចប់ជីវិតដោយមកលោតទឹក សម្លាប់ខ្លួននៅកណ្តាលស្ពានជ្រោយចង្វា តែដោយសារបុរសនោះចេះ ហែលទឹកបានអណ្តែតរហូត ដល់មុខផ្សាររាត្រីក៏ឡើងគោកត្រឡប់ទៅផ្ទះវិញ ។

ហេតុការណ៍នេះបានបង្កឱ្យមានការភ្ញាក់ផ្ អើលកាលពីវេលាម៉ោង៦ និង៤០នាទីព្រឹកថ្ងៃទី១៦ តុលា ២០១៣ នេះ ស្ថិតនៅចំណុចកណ្តាលស្ពានជ្រោយចង្វា ។

តាមប្រភពពីបងប្រុសបង្កើតឈ្មោះអ៊ឹង សុផាន់ណារ៉ា បានឱ្យដឹងថា ប្អូនប្រុសរបស់គាត់ឈ្មោះអ៊ឹង សុផាន់តារា អាយុ៣០ឆ្នាំ មានទីលំនៅផ្ទះលេខ១២០ ផ្លូវ១១០ ក្នុងភូមិកាកាបខាងត្បូង សង្កាត់កាកាប ខណ្ឌពោធិ៍សែនជ័យ ។

គាត់បានបន្តទៀតថា ប្អូនប្រុសរូបនេះលេងល្បែង រហូតដល់លង់ខ្លួន ហើយនៅថ្ងៃកើតហេតុនោះ បានសុំឱ្យគាត់ជូនមកចំណត រថយន្តនៅម្តុំជ្រោយចង្វា ខណៈពេលដែលកំពុងតែជិះនៅលើស្ពានជ្ រោយចង្វាបានពាក់កណ្តាលផ្លូវ ប្អូនប្រុសរបស់គាត់ប្រាប់ថា ជ្រុះស្បែកជើង ហើយគាត់ក៏ឈប់ម៉ូតូ ពេលនោះស្រាប់តែប្អូនគាត់រត់ឡើងលើបង្កាន់ ដៃស្ពានហក់ចូលក្នុងទឹកទន្លេប្រូងតែម្តង តែសំណាងល្អចេះហែលទឹកបាន អណ្តែតរហូតដល់មុខផ្សាររាត្រី។



បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក chlat[email protected]