រថ​យន្ត​ធុន​ធំ​ដឹក​សំពីង​សំពោង​បើក​ទាក់ ​ខ្សែ​ភ្លើង​បាក់​បង្គោល​ភ្លើង​ដាច់​​ខ្សែ​ធ្លាក់ ​រប៉ាត់​រប៉ាយ​ពេញ​ផ្លូវ​ដាច់​​ ចរន្ត​អគ្គិ​សនី​មួយ​ចំហៀង ​ខណ្ឌ​សែន​សុខ​

រាជធានីភ្នំពេញ ៖ រថយន្តពុយហ្សូធុនធំ ១គ្រឿង ដឹកផ្លែឈើសំពីងសំពោងហួសទ្រុង ខណៈធ្វើដំណើរតាមប ណ្តោយផ្លូវភ្នំពេញ-ហាណូយ ក្នុងទិសដៅពីជើងទៅត្បូង លុះមកដល់ចំណុចមុខក្លោងទ្វារវត្ត សំរោងអណ្តែត ក៏បានទាក់ខ្សែភ្លើង បណ្តាលឲ្យបាក់បង្គោលភ្លើង ១ដើម និងដាច់ធ្លាក់ខ្សែភ្លើងរប៉ាត់រប៉ាយពេញផ្លូវ ដាច់ចរន្តអគ្គិសនីមួយចំហៀងខណ្ឌសែនសុខ។

ហេតុការណ៍នេះ បានកើតឡើងកាលពីវេលាម៉ោង ៩ និង ៣៥នាទី យប់ថ្ងៃទី១៤ តុលា ២០១៣ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ ក្រោយបង្កឲ្យដាច់ខ្សែភ្លើងធ្លាក់ពេញផ្លូវ រថយន្តបង្កត្រូវបាន សមត្ថកិច្ចនាំយកទៅស្នងការដ្ឋានរាជធានីភ្នំពេញ ដើម្បីធ្វើការដោះស្រាយ៕