​​ចាប់​រំលោភ​នារី​ម្នាក់​បាន​សម្រេច​ ពេល​​នាង​ទៅ​ប្តឹង​សមត្ថ​កិច្ច​ ចង​.ក​សម្លាប់​ខ្លួន​ក្នុង​បន្ទប់​ផ្ទះ​ជួល​

រាជធានីភ្នំពេញ ៖ បុរសម្នាក់បន្ទាប់ពីធ្វើសកម្មភាព ចាប់រំលោភនារីម្នាក់បាន សម្រេចហើយ បានអង្វរនាងកុំឲ្យប្តឹងសមត្ថកិច្ច តែនារីរងគ្រោះមិនព្រមរត់ទៅប្តឹងសមត្ថកិច្ច បុរសជាជនល្មើសក៏សម្រេចចិត្ត ចង.កសម្លាប់ខ្លួននៅក្នុងបន្ទប់ផ្ទះជួល បង្កឲ្យមានការភ្ញាក់ផ្អើល កាលពីវេលាម៉ោង ៣ទៀបភ្លឺ ឈានចូលថ្ងៃទី១៥ តុលា ២០១៣ នៅចំណុចបន្ទប់ផ្ទះជួលលេខ៣២ ស្ថិតក្នុងភូមិត្រពាំងថ្លុង សង្កាត់ចោមចៅ ខណ្ឌពោធិ៍សែនជ័យ។

បុរសជាជនល្មើសពុំទាន់ស្គាល់អត្តសញ្ញាណនៅឡើយ ចំណែកនារីរងគ្រោះមានអាយុ ២១ឆ្នាំ ស្នាក់នៅបន្ទប់ជួលក្បែរ គ្នាក្នុងភូមិកើតហេតុខាងលើ។ ក្រោយកើតហេតុ សមត្ថកិច្ចជំនាញកំពុងចុះធ្វើការត្រួតពិនិត្យ៕