រាជធានីភ្នំពេញ ៖ បុរសម្នាក់របួសរយះថ្ងាស និងហូរឈាមតាមច្រមុះ ចំណែកម្នាក់ទៀតមិនមានរងរបួសទេ តែប្រាប់ថា មិនដឹងមូលហេតុអ្វីបានជាដួលម៉ូតូរងរបួសបែបនេះ ខណៈពេលត្រឡប់មកពីហូបការវិញ ជិះម៉ូតូដល់មុខរោងចក្រស៊ីម៉ង់ត៍សញ្ញារូបដំរី តាមផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១០យប់ថ្ងៃទី៣០ មេសា ២០១២។
បើតាមការឱ្យដឹងពីជនរងគ្រោះទាំងព្យាយាម លាក់លៀមថា មុនពេលកើតហេតុពួកគេទាំងពីរនាក់ត្រូវជាមិត្តភក្តិនឹងគ្នាបាន ជិះម៉ូតូឌ្រីមសេ១២៥ ស៊េរី២០០៧ ពណ៌ខ្មៅ ជិះឌុបគ្នាត្រឡប់មកពីហូបការមិត្តភក្តិនៅមជ្ឈមណ្ឌលកោះពេជ្រ ។ ខណៈជិះមកដល់ចំណុចកើតហេតុខាងលើមិនដឹងជាមានរឿងអី ស្រាប់តែដួលរងរបួសអ្នកបើកម៉ូតូ ឯអ្នកជិះពីក្រោយមិនមានរងរបួសទេ។ ជនរងគ្រោះជាអ្នកបើកម៉ូតូមានឈ្មោះរតនា ភេទប្រុស ជាបុគ្គលិកក្រុមហ៊ុនរបួសរយះថ្ងាស និងហូរឈាមតាមច្រមុះ ចំណែកអ្នកជិះពីក្រោយឈ្មោះដា ទាំងពីរនាក់ស្នាក់នៅក្រុងតាខ្មៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]