ប៉ូលិស​ខណ្ឌ​មាន​ជ័យ​ឃាត់ខ្លួន​ប្តី​ ស្ត្រី​ដែល​ត្រូវ​គេ​អារក​សម្លាប់​នៅ​ច្បារ​អំពៅ​ ​ សង្ស័យ​ជា​ជន​ដៃ​ដល់​

រាជធានីភ្នំពេញ ៖ បុរសម្នាក់ត្រូវប៉ូលិសខណ្ឌមានជ័យ ដឹកនាំដោយលោកហ៊ី ណារិន អធិការនគរបាលខណ្ឌ មានជ័យធ្វើការស្រាវជ្រាវ និងឃាត់ខ្លួននៅវេលាម៉ោង១០ និង៣០នាទីព្រឹក ថ្ងៃទី១៣ តុលា ២០១៣ នេះ ដោយសង្ស័យជាប់ពាក់ព័ន្ធនឹង ឃាតកម្មអារ.កសម្លាប់ស្ត្រីម្នាក់ដែលគេស្គាល់ថា ជាកូនប្រសារថៅកែសំណង់ម្នាក់ នៅសង្កាត់ច្បារអំពៅ ។

បុរសសង្ស័យរូបនេះត្រូវប៉ូលិសឱ្យដឹងថា ជាប្តីស្ត្រីរងគ្រោះ។ ចំពោះមូលហេតុនៃការសម្លាប់នេះ ត្រូវប៉ូលិសឱ្យដឹងថាសង្ស័យពាក់ព័ន្ធ រឿងស្នេហាត្រីកោណ។

បច្ចុប្បន្នជនសង្ស័យត្រូវប៉ូលិសនាំទៅ អធិការដ្ឋាននគរបាលខណ្ឌមានជ័យដើម្បីធ្វើការសាកសួរ។

គួររំលឹកផងដែរថា កាលពីវេលាម៉ោង ៩និង៣០នាទីយប់ ថ្ងៃទី១០ តុលា ស្ត្រីម្នាក់ស្លាប់បាត់បង់ជីវិតយ៉ាងអាណោចអាធ័ម បំផុតដោយអំពើអារ.កសម្លាប់ នៅក្នុងបន្ទប់ផ្ទះឈើរបស់ខ្លួនជាន់ទី១ គឺផ្ទះលេខ២៦៨ ក្រុមទី១៨ ផ្លូវលេខ៦៤៤ ភូមិដើមមា៉ក់ឃ្លើ សង្កាត់ច្បារអំពៅទី១ ខណ្ឌមាន
ជ័យ ។
ស្ត្រីរងគ្រោះឈ្មោះ ហួ៊រ លីជួរ អាយុ៣៤ឆ្នាំ ជាកូនប្រសារថៅកែសំណង់ម្នាក់នៅសង្កាត់ច្បារអំពៅ ដែលបុរសជាប្តីមានមុខរបរជាអ្នកបើកអីុនធើរណិត ៕