ណាខុន ស្រឡាញ់ភរិយាខ្លាំង មិនប្រកាន់អាយុ ស្អិតរមួតមិនចាញ់គូស្នេហ៍ថ្មីថ្មោង(មានវីដេអូ)

រាជធានីភ្នំពេញ ៖ តារាសម្តែងនិងតារាម៉ូដែល លោក ណាខុន ជាតារាប្រុសដែលមានប្រជាប្រិយភាពម្នាក់ ទោះបីរៀបការមានប្រពន្ធហើយក្តី​ តែរូបលោកនៅទទួលការគាំទ្រយ៉ាងពេញទំហឹងពីមហាជន ជាមួយនឹងរូបសម្បត្តិស្រស់សង្ហា និងសមត្ថភាពបំពេញការងាររបស់ខ្លួន។

ទន្ទឹមនឹងភាពជោគជ័យក្នុងវិស័យសិល្បៈ ក្រឡេកទៅមើលជីវិតឯកជនវិញ មមាញឹកការងារដល់កម្រិតណាក៏ដោយ តែរូបលោកនៅបណ្តើរភរិយាដើរលេងលំហែ ផ្អែមល្អែមមិនចាញ់គូស្នេហ៍ថ្មីថ្មោងប៉ុន្មានទេ ភរិយាអាយុច្រើនជាងខ្លួនមែន តែរូបលោកមើលទៅស្រឡាញ់ភរិយាខ្លាំង មិនដូចពាក្យល្បីតគ្នា ស្រឡាញ់បានតែមួយភ្លែតៗនោះឡើយ។

ជាក់ស្តែង រៀបការច្រើនឆ្នាំហើយ តែទំនាក់ទំនងរូបលោកនិងភរិយា កាន់តែស្អិតរមួតខ្លាំងឡើងៗ ពិសេសថ្មីៗនេះ ដើរលេងជាមួយភរិយានៅក្រៅប្រទេស តារាប្រុសរូបនេះ បង្ហោះវីដេអូស្វីតជាមួយភរិយា ធ្វើឲ្យហ្វេនៗច្រណែននឹងវាសនាភរិយាលោកជាខ្លាំង បានស្វាមីក្មេងហើយស្រឡាញ់ភរិយាថ្នាក់នេះទៀត៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖