ភ្នំពេញៈ ម៉ូតូកង់បីមួយគ្រឿង ដែលមានបិទស្លាក យីហោក្រុមហ៊ុន ទឹកផ្លែឈើសាជីកូ ក្រឡាប់ផ្ងាជើងក្នុង ទឹក ខណៈបើកធ្លាក់ជង្ហុក សំណាងល្អ អ្នកបើកបរ ពុំមានរងរបួសនោះទេ ។ ហេតុការណ៍នេះ កើតឡើង កាលពីវេលាម៉ោង៣ និង៣០នាទីល្ងាច ថ្ងៃទី០៩ ខែតុលា ឆ្នាំ២០១៣ ស្ថិតនៅតាមបណ្តោយ ផ្លូវ ២០០៤ ខាងកើតបញ្ជរបង់ប្រាក់ រថយន្តក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
សាក្សីកន្លែងកើតហេតុបានឲ្យដឹងថា ម៉ូតូកង់បីខាងលើ ជារបស់ក្រុមហ៊ុនដឹកទឹកផ្លែឈើសាជីកូ ពណ៌ ឈាមជ្រូក ទ្រុងរឺម៉កពណ៌ស ពាក់ស្លាកលេខភ្នំពេញ1B-8042 អ្នកបើកបរ ពុំត្រូវបានគេស្គាល់ឈ្មោះនោះ ទេ ។ សាក្សីបានបន្តថា មុនពេលកើតហេតុ ម៉ូតូកង់បីខាងលើ បើកបរក្នុងទិសដៅពីជើងទៅត្បូង តាម បណ្តោយផ្លូវបេតុង លុះដល់កែងផ្លូវ២០០៤ ដោយសារតែទឹកលិចផ្លូវ មើលអ្វីមិនឃើញ ក៏ធ្លាក់ជង្ហុក បណ្តាលឲ្យក្រឡាប់ផ្ងាជើង បណ្តាលឲ្យស្ទះចរាចរណែនណាន់តាន់តាប់ ។ ក្រោយពេលកើតហេតុ នគរ បាលចរាចរចុះទៅសម្រួលចរាចរ នឹងឲ្យអ្នកបើកបរស្ទូចយកចេញ និងយកទៅជួសជុលដោយខ្លួនឯង ពី ព្រោះ មិនបង្កគ្រោះដល់អ្នកដទៃ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
