សាច់អត់គុណភាព ត្រូវបាននាំចេញទៅលក់ក្នុងហាងនានា ២តោនក្នុងមួយថ្ងៃ

កាលពេលថ្មីៗនេះ គេបានប្រទះឃើញរោងចក្រមួយ ដែលផ្ទុកនូវសត្វគ្មានគុណភាព និងនាំចេញទៅលក់នៅហាងនានា ជាង២តោនក្នុងមួយថ្ងៃ ដែលនេះគឺខុសនឹងច្បាប់ អនាម័យអាហារ។

យោងតាមប្រភពព័ត៌មាន បានឲ្យដឹងថា សាច់ទាំងនោះទិញមកពី West Yorkshire Lamb ក្នុងហ៊ុន Beef and Poultry Ltd ទីក្រុង Bradford ប្រទេសអង់គ្លេស ត្រូវបានភ្នាក់ងារអាហារស្តង់ដារ ក្រុមប្រឹក្សាមន្ត្រីសុខភាព និងបរិស្ថានចុះឆែកឆេរ។ សាច់មាន់រាប់ពាន់ដុំត្រូវបានដាក់ក្នុងប្រអប់ រីឯសាច់ជ្រូកត្រូវបានច្រកក្នុងស្បោង ប្លាស្ទិចពណ៌ខៀវមុននឹងយកវាដាក់ក្នុងប្រអប់ និងវិជខ្ចប់ តែសាច់ទាំងនោះ បានដាក់នៅលើឥដ្ឋដោយគ្មានអនាម័យ ។

រោងចក្រនេះ ត្រូវបានក្រុមប្រក្សាមន្ត្រីសុខភាព និងបរិស្ថានពិន័យជាប្រាក់ ៨០,៤០០ដុល្លារអាមេរិក។ ក្រុមអ្នកស៊ើបអង្កេត នៅធ្វើការស៊ើបបន្ត រីឯសាច់ដែលបានលក់ចេញ ត្រូវបានប្រគល់មកវិញ ដើម្បីដុតបំផ្លាញចោល។

តើប្រិយមិត្តយល់យ៉ាងណាចំពោះបញ្ហានេះ?

កែសម្រួលដោយ តូម៉ាតូ

ខ្មែរឡុត