នារីកូរ៉េម្នាក់បានកែសម្ភស្ស ឲ្យមានមុខមាត់ដូចតារាម៉ូដែលអូស្ដ្រាលី Miranda Kerr

យោងតាមសារព័ត៌មាន ស្ទ៉ម របស់ប្រទេសសឹង្ហបុរី បានឲ្យដឹងថា នារីវ័យក្មេង ជនជាតិកូរ៉េម្នាក់ បានធ្វើការកែសម្ភស្ស ដើម្បីសម្រេចបំណងរបស់ខ្លួន ដោយចង់មានមុខមាត់ ដូចតារាម៉ូដែលស្រី ជនជាតិអូស្ដ្រាលី គឺនាង Miranda Kerr។

ប្រភពដដែលបានបន្តទៀតថា នារីជនជាតិកូរ៉េរូបនោះ បានធ្វើការវះកាត់កែភ្នែក និងច្រមុះតែប៉ុណ្ណោះ បូករួមទាំងការតុបតែងមុខ និងធ្វើសក់ គឺពិតជាមានមុខមាត់ និងសម្រស់ ដូចតារាម៉ូដែលស្រី ជនជាតិអូស្រ្តាលី  Miranda Kerr ពិតមែន។

គួរបញ្ជាក់ផងដែរថា តារាម៉ូដែលស្រី Miranda Kerr មានវ័យ៣០ឆ្នាំ កើតនៅថ្ងៃទី២០ ខែមេសា ឆ្នាំ១៩៨៣ មកពីទីក្រុងស៊ីដនី ប្រទេសអូស្ដ្រាលី ហើយមានកូនប្រុសម្នាក់ឈ្មោះថា Flynn Christopher Bloom។ នាងទទួលបានការគាំទ្រ និងល្បីល្បាញយ៉ាងខ្លាំង នៅក្នុងឆ្នាំ២០០៧ បន្ទាប់ពីបានថតផ្សាយឈុតក្នុង ឲ្យក្រុមហ៊ុនខោអាវក្នុងធំបំផុត របស់ប្រទេសអាមេរិក មានឈ្មោះថា “Victoria's Secret Angels”៕

តារាម៉ូដែលស្រី Miranda Kerr (ខាងឆ្វេងដៃ)

ដោយ ៖ ប៊ី

ខ្មែរឡូត