រាជធានីភ្នំពេញ ៖ រថយន្តហាយឡិនឌ័រ ពណ៌ស ថ្មីសន្លាង ទើបនឹងទិញមិនទាន់មានស្លាកលេខផង បើកបុកបង្គោលភ្លើងបំភ្លឺផ្លូវដែលមានបំពាក់កាមេរ៉ានៅជិត រង្វង់មូលវិមានឯករាជ្យ បណ្តាលឱ្យដួលបាក់ពីរបីកំណាត់ទៅសង្កត់លើបង្គោលស្លាកមហាវិថី ឯរថយន្តជ្រុះកាង និងបែកកញ្ចក់ផ្ទាំងខាងមុខ ហើយព្យាយាមបើករត់គេចត្រូវប៉ូលិសក្របួចបាន ។
ហេតុការណ៍នេះកើតឡើងកាលពីវេលាម៉ោង១២និង៣០ នាទីរំលងអធ្រាត្រឈានចូលថ្ងៃទី២៨ មេសា នៅរង្វង់មូលវិមានឯករាជ្យ ចំណុចមហាវិថីព្រះនរោត្តមកែងមហាវិថីព្រះសីហនុ ទល់មុខធនាគារឯកទេសវិនិយោគទី១ ស្ថិតក្នុងសង្កាត់ទន្លេបាសាក់ ខណ្ឌចំការមន តែមិនបណ្តាលមនុស្សណាម្នាក់រងរបួសទេ ។ ប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុរថយន្តហាយឡិនឌ័រ ពណ៌ស បើកបរដោយយុវជនម្នាក់តាមមហាវិថីព្រះនរោត្តមពីជើងទៅត្បូង ជិះព័ទ្ធរង្វង់មូលវិមានឯករាជ្យឆ្ពោះទៅតាមមហាវិថីព្រះសីហនុ បោះពួយយ៉ាងលឿនបួងចង្កូតមិនទាន់ជ្រុលទៅបុកបង្គោលភ្លើង បំភ្លឺផ្លូវមានភ្ជាប់កាមេរ៉ា បណ្តាលឱ្យរលំបាក់ពីរបីកំណាត់សង្កត់លើបង្គោលភ្លើងស្លាកសញ្ញា មហាវិថីព្រះនរោត្តមកែងមហាវិថីព្រះមហាវិថីព្រះសីហនុ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
