ចោរ​​កាច់.ក​ម៉ូតូ​អស់​លក្ខណ៍​ ត្រូវ​ជាប់​​​​អន្ទាក់​​​ប៉ូលិស​​

ខេត្តសៀមរាប៖ ចោរកាច់.កម៉ូតូម្នាក់ ត្រូវសមត្ថកិច្ចនគរបាល ប៉ុស្តិ៍គោកចក សហការជាមួយនគរបាល ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តសៀមរាប ចាប់ខ្លួនបាន ខណៈពេលដែលម្ចាស់ទុកចោល នៅមុខតូបលក់ចាប់ហួយ ធ្វើឱ្យមានការភ្ញាក់ផ្អើល កាលពីវេលាម៉ោង១រំលងអធ្រាត្រ ឈានចូលថ្ងៃទី២៤ កញ្ញា ២០១៣ ស្ថិតនៅចំណុចក្រុមទី១៣ ភូមិទក្សិណខាងត្បូង សង្កាត់គោកចក ក្រុងសៀមរាប ។

ប្រភពបានឱ្យដឹងថា ជនសង្ស័យឈ្មោះពុម្ព សុភ័ក្រ្ត អាយុ២៧ឆ្នាំ ជាគ្រូបង្ហាត់នគរបាលនៅការិយាល័យ បណ្តុះបណ្តាលវិទ្យាវិក្រិតការ នៃស្នងការដ្ឋាននគរបាលខេត្តពោធិ៍សាត់ មានស្រុកកំណើតនៅភូមិពាលញែក២ ឃុំផ្ទះព្រៃ ស្រុកសំពៅមាស ខេត្តពោធិ៍សាត់។

បន្ទាប់ពីចាប់ខ្លួនបាន ម៉ូតូត្រូវប្រគល់ទៅឱ្យម្ចាស់ដើមវិញ ចំណែកជនសង្ស័យត្រូវសមត្ថកិច្ច ប៉ុស្តិ៍នគរបាលគោកចក បានកសាងសំណុំរឿង បញ្ជូនទៅការិយាល័យ នគរបាលព្រហ្មទណ្ឌកម្រិតស្រាល ដើម្បីចាត់ការបន្តទៅតាមផ្លូវច្បាប់ ។