រាជធានីភ្នំពេញ ៖ ដូចដែរដឹងស្រាប់ហើយថា តារាកំប្លែង នាយហុងដា ធ្លាប់ជាតារាកំប្លែង ដែលមានប្រជាប្រិយភាពខ្លាំងកំឡុងពេល១០ឆ្នាំមុន ដែលសព្វថ្ងៃនេះ ក៏នៅមានបងប្អូនជាច្រើន ចងចាំរូបលោកដដែរ មិនតែប៉ុណ្ណោះ ទោះមិនសូវចេញមុខមាត់ល្បីដូចតារាកំប្លែងរួមជំនាន់ប៉ុន្មានមែន តែជីវិតសព្វថ្ងៃរបស់រូបលោក ក៏មានជីវភាពធូធារមិនចាញ់គេឯងប៉ុន្មានដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើងាកទៅមើលពី អាជីពការងារវិញ ក្រៅពីការងារសម្តែងកំប្លែងខ្លីៗឲ្យស្ថានីយទូរទស្សន៍ហើយនោះ រូបលោកក៏ចេញច្រៀងកាត់សក់ ជាមួយនឹងតារាកំប្លែង នាងគ្រត និងតារាដទៃទៀតផងដែរ ជាពិសេសថ្មីៗនេះ ក៏ឃើញរូបលោក ហាក់កំពុងមានការងារសម្តែង ជាមួយក្រុមល្ខោនទៀតផង។
យ៉ាងណាមិញ ទោះបីមានជីវភាពធូធារហើយនោះ រូបលោក ក៏មិនអើពើស្វែងរកអ្នកស្អំបេះដូងថ្មីនៅឡើយ ខណៈភរិយាក្រោយ ទទួលមរណភាពជាង៥ឆ្នាំទៅហើយ ដោយពេលខ្លះ គេឃើញរូបលោក នៅតែបង្ហោះរូបភាពជាមួយភរិយាខ្លួន ដោយបញ្ចេញអារម្មណ៍នឹករឭកគួរឲ្យស្រណោះ ហើយរូបលោក នៅតែបន្តចិញ្ចឹមបីបាច់ចំណងដៃកូនស្រីខ្លួន ដើរតួនាទីទាំងម្តាយនិងឪពុក បានយ៉ាងល្អ៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖