រាជធានីភ្នំពេញ ៖ រថយន្ដCRV ពណ៌ទឹកប្រាក់ បើកដោយជនជាតិចិនបានបុករនាំងដែកពុះចែកទ្រូងផ្លូវមើលទៅគួរឱ្យញាក់សាច់បណ្ដាលឱ្យខូចខាតអស់៤ផ្ទាំងកាលពីវេលាម៉ោង២និង៣០នាទីរំលងអធ្រាត្រថ្ងៃទី១៤ មករា នៅតាមមហាវិថីសហព័ន្ធរុស្ស៊ីទល់មុខក្រសួងការពារប្រទេសក្នុងសង្កាត់មិត្ដភាព ខណ្ឌ៧មករា ។
សាក្សីបានឱ្យដឹងថា មុនពេលកើតហេតុរថយន្ដCRVពណ៌ទឹកប្រាក់នេះបានបើកកណ្តាលទ្រូងផ្លូវពីលិចទៅកើតតាមមហាវិថីសហព័ន្ធរុស្ស៊ីក្នុងរថយន្ដជិះគ្នា៣នាក់បើកបរដោយជនជាតិចិន និង២នាក់ទៀតជានារីជនជាតិខ្មែរ លុះទៅដល់មុខក្រសួងការពារប្រទេសមិនដឹងជាអ្នកបើករវល់ធ្វើអីស្រាប់តែរេចង្កូតរថយន្ដជ្រុលទៅបុករនាំងដែកពុះចែកផ្លូវហាក់ដូចជាមើលមិនឃើញបណ្ដាលខូចឱ្យអស់៤ផ្ទាំង ដោយ២ផ្ទាំងប៉ើងទៅកណ្ដាលថ្នល់ ។ ឯរថយន្ដបានដាច់រ៉ូទីលបាក់យ៉ាន់និងផ្ទុះពោងសុវត្ថិភាពខូចយ៉ាងដំណំ។
ប្រភពព័ត៌មានបន្ដថា ក្រោយពេលកើតហេតុឃើញមានផ្សែងដែលផ្ទុះពោងសុវត្ថិភាពហុយនៅក្នុងរថយន្ដ អ្នកឃើញហេតុការណ៍ដែលជាទាហាន២នាក់យាមនៅមុខក្រសួងការពារប្រទេស និងប៉ូលិសម្នាក់ទៀតស្លៀកពាក់ស៊ីវិល ដែលបើករថយន្ដពីក្រោយរថយន្ដបង្កបាននាំគ្នាបើកទ្វារចាប់ទាញដៃអ្នកនៅក្នុងរថយន្ដនោះចេញក្រៅខ្លាចក្រែងឆេះរថយន្ដ ។ បន្ទាប់ពីចាប់ទាញចេញក្រៅរថយន្ដហើយ អ្នកបើករថយន្ដជាជនជាតិចិន និងនារីខ្មែរ២នាក់ទៀតបានទូរស័ព្ទហៅរថយន្ដមួយគ្រឿងមកដឹកពួកគេចេញទៅ តែត្រូវប៉ូលិសដែលស្លៀកពាក់ឯកសណា្ឋនស៊ីវិលឃាត់ខ្លួនមិនឱ្យឡើងរថយន្ដទេ ហើយទូរស័ព្ទហៅប៉ូលិសចរាចរមកធ្វើកំណត់ហេតុ ស្រាប់តែនារីជនជាតិខ្មែរខឹងតូងដោយនិយាយថា ប៉ូលិសអស្ចារ្យអីទៅហ៊ានឃាត់ខ្លួនគេផង។ លើសពីនេះទៀតនារីនោះបានប្រើពាក្យមើលងាយមើលថោកប៉ូលិសរូបនោះដោយប្រើពាក្យមិនសមរម្យជាច្រើនធ្វើឱ្យបាត់បង់នូវភាពថ្លៃថ្នូរជានារីខ្មែរ ។
រថយន្ដបង្កហេតុត្រូវប៉ូលិសចរាចរស្ទួចយកទៅរក្សាទុកនៅសាលារាជធានីភ្នំពេញដើម្បីធ្វើការដោះស្រាយសងការខូចខាត ៕
ដកស្រង់ពីគេហទំព័រ កោះសន្តិភាព
សូមមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
