រាជធានីភ្នំពេញ ៖ រថយន្តឡិចស៊ីស RX330 ពណ៌ស ត្រឡប់មកពីហូបការបងប្អូននៅសល់ប្រហែល៣០ម៉ែត្រទៀតដល់ផ្ទះជ្រុលទៅបុក ស្លាកវិថីសហព័ន្ធរុស្ស៊ី រួចឡើងលើសួនច្បារមុខផ្សារស៊ិនជូរី កាលពីវេលាម៉ោង២ និង៥០នាទី រំលងអធ្រាត្រឈានចូលថ្ងៃទី២៧ មេសា នៅចំណុច វិថីសហព័ន្ធរុស្ស៊ីកែងផ្លូវ២០០៥ ទល់មុខផ្សារស៊ិនជូរី ស្ថិតក្នុង សង្កាត់កាកាប ខណ្ឌដង្កោ។
ប្រភពព័ត៌មានបានឱ្យដឹងថា រថយន្តឡិចស៊ីស RX330 ពណ៌ស ជិះគ្នា្២នាក់ជានិស្សិត តាមបណ្តោយវិថីសហព័ន្ធរុស្ស៊ី ពីកើតទៅ លិច ។ខណៈមកដល់ផ្លូវកែង២០០៥ រថយន្តបត់ស្តាំ ក្នុងល្បឿនលឿន ពេក ព្រមទាំងស្រវឹងផង បួងចង្កូត មិនទាន់ជ្រុលទៅបុកស្លាកវិថី សហព័ន្ធរុស្ស៊ី កែង២០០៥ រួចជ្រុលចង្កូតឡើងលើសួនច្បារ ទៅបុករនាំងដែកបាក់អស់មួយផ្ទាំង ហើយជ្រុលទៅបុកផ្ទាំងប៉ាណូ ថ្វាយព្រះពរសម្តេចព្រះនរោត្តម សីហនុ យាងចូល៩០ព្រះវស្សា តែសំណាង ល្អ គ្រោះថ្នាក់នេះពុំបណ្តាលឱ្យមានអ្នកណាម្នាក់រងរបួសនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើ ទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ដោយ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
