រាជធានីភ្នំពេញ ៖ រថយន្តកាមរីគូទហើម ពណ៌ស្លែ បើកទៅបុកគូទរថយន្តកូរ៉េ១តោនកន្លះ ពណ៌ផ្ទៃមេឃ នៅចំណុចផ្លូវកោង បណ្តាលឱ្យផុងដំបូលរថយន្តខាងមុខចំហៀងខាងស្តាំចូលក្នុង ។ ហេតុការណ៍នេះកើតឡើងកាលពីវេលាម៉ោង៣និង៥០នាទីរសៀលថ្លៃទី២៦ មេសា នៅតាមផ្លូវលេខ២៧១ ត្រង់ចំណុចផ្លូវកោងមុខសាលាបច្ចេកទេសវិមានទិព្វ ស្ថិតក្នុងសង្កាត់បឹងសាឡាង ខណ្ឌទួលគោក ។
ក្រោយពេលកើតហេតុម្ចាស់រថយន្តកាមរីគូទ ហើមដែលបុកគូទពីក្រោយរថយន្តកូរ៉េនោះបានចុះទៅសួរអ្នកបើកបរ រថយន្តកូរ៉េថា មានប័ណ្ណបើកបរទេ បានជាជាន់ហ្វ្រាំងប្រថុចញុ៉ចបែបនេះ អ្នកបើកបរប្រាប់ថា ភ្លេចយកមកនៅក្រុមហ៊ុន ។ ពេលនោះខាងម្ចាស់រថយន្តកាមរីគូទ ហើមបានប្រាប់ឱ្យទូរស័ព្ទហៅថៅកែមកធ្វើការដោះស្រាយ ដោយទាមទារឱ្យចេញសងការខូចខាតរថយន្តរបស់គេចំនួនពាក់កណ្តាល ដោយចោទប្រកាន់ថា បើកបរគ្មានប័ណ្ណបើកបរ។ បន្ទាប់មកទើបមានតំណាងក្រុមហ៊ុនចេញមកធ្វើការដោះស្រាយដោយសង សំណងទៅខាងរថយន្តកាមរីគូទហើមចំនួន៤០ដុល្លារជាការបញ្ចប់រឿង ៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]