ថាបងចុះស្អាត ប្អូនបង្កើតតារាទាំងនេះស្អាតមិនចាញ់បងទេ

ភ្នំពេញ៖ បើនិយាយដល់អ្នកសិល្បៈ មិនថាសិល្បករឬសិល្បការិនីឡើយសុទ្ធសឹងតែមានរូបសម្បត្តិនិងសម្រស់ស្រស់ស្អាតគ្រប់ៗគ្នាតែម្ដង។ ពិតណាស់ កាលដែលតារាមានរូបសម្ផស្សស្អាត ជាផ្នែកមួយដែលអាចធ្វើឲ្យពួកគេទទួលបានការចាប់អារម្មណ៍ច្រើនពីសំណាក់មហាជនបានយ៉ាងឆាប់រហ័សផងដែរ។

លើសពីនេះទៅទៀត គេដឹងផងដែរថាក្រៅពីមានមុខមាត់ស្អាតតែម្យ៉ាង ប៉ុន្តែមិនមានសមត្ថភាពគ្រប់គ្រាន់ក៏មិនអាចឲ្យពួកគេមានឈ្មោះល្បីល្បាញបាននោះដែរ។ លើសពីនេះទៅទៀត បើក្រឡេកមើលតារាខ្មែរ គេឃើញថាមានតារាមួយចំនួនចូលសិល្បៈទាំងបងទាំងប្អូន ហើយសុទ្ធតែមានប្រជាប្រិយភាពដូចគ្នា ខណៈមានទាំងទេពកោសល្យ បូករួមជាមួយសម្រស់ផងនោះ។

តួយ៉ាង ថ្មីៗនេះមានអ្នកលេងបណ្ដាញសង្គមជាច្រើន ចាបើអារម្មណ៍ឃើញប្អូនបង្កើតរបស់តារាខ្មែរពីររូប មានមុខមាត់ស្រស់សោភានិងសង្ហាមិនចាញ់បងៗឡើយ ហើយប្អូនបង្កើតតារាខ្មែរពីររូបនោះមានដូចជា៖ 

១៖ កញ្ញា ស៊ីន យូប៊ីន 

កាលពីពេលថ្មីៗនេះតារាសម្ដែងស្រីកញ្ញា ស៊ីន យូប៊ីន បានបង្ហាញមុខប្អូនស្រីបង្កើត ដែលកំពុងឈានជើងចូលវិស័យសិល្បៈ ដោយគេឃលញមុខមាត់ប្អូនស្រីតារារូបនេះ ស្រស់សោភាមិនចាញ់បងនោះទេ។ 

២៖ លោក ទ្រី តារាវុធ

ពិតណាស់ កាលពីពេលថ្មីៗនេះកម្លោះសង្ហាលោក ទ្រី តារាវុធ បានបង្ហោះរូបជាមួយប្អូនប្រុសបង្កើតខ្លួន ហលយគេឃើញមុខមាត់ប្អូនប្រុសតារារូបនេះក៏សង្ហាមិនចាញ់រូបលោកប៉ុន្មានឡើយ។