មន្រ្តី​យោធា​​ម្នាក់​ត្រូវ​ជន​សង្ស័យ ​​ដាក់​​ខ្សែ​​ទាក់​ទទឹង​ផ្លូវ ​វាយ​ប្លន់​យក​ម៉ូតូ​ឌ្រីម​ ១គ្រឿង​ បាន​សម្រេច​

រាជធានីភ្នំពេញ ៖ បុរសម្នាក់អាយុជាង ៤០ឆ្នាំ ជាមន្រ្តីយោធា ត្រូវបានជនសង្ស័យយក ខ្សែដាក់ទាក់ទទឹងផ្លូវ រួចវាយប្លន់យ៉ាងដំណំរហូតសន្លប់ ប្លន់យកម៉ូតូឌ្រីមC125 ស៊េរីឆ្នាំ២០០៨ ពណ៌ខ្មៅ ១គ្រឿង ពាក់ស្លាកលេខ ភ្នំពេញ 1V-2695 បានសម្រេច លុះពេលដឹងខ្លួនទើបស្រែក ឆោឡោឱ្យគេជួយបង្កការភ្ញាក់ផ្អើល កាលពីវេលាម៉ោង ៤ និង ៤០នាទី ទៀបភ្លឺចូលថ្ងៃទី១៣ កញ្ញា ២០១៣ ស្ថិតតាមបណ្តោយផ្លូវលំ ក្នុងភូមិក្រាំងស្វាយ ស្រុកក្រាំងពង្រ ខណ្ឌដង្កោ ។

តាមសម្តីជនរងគ្រោះនិយាយថា រូបគាត់ជាមន្រ្តីយោធាបានធ្ វើដំណើរទៅញុំាកាហ្វេ រួចទើបទៅធ្វើការដូចសព្វមួយដង លុះពេលធ្វើដំណើរមកដល់ចំណុចកើតហេតុ ស្រាប់តែទាក់នឹងខ្សែគោដែលគេ ដាក់ទាក់ទទឺងផ្លូវបណ្តាលឱ្យដួលម៉ូតូ ហើយក៏ស្រាប់តែមានជនសង្ស័យ (មិនដឹងចំនួន) ចេញមកវាយរហូតសន្លប់ប្លន់ យកម៉ូតូទៅបាត់តែម្តង ដោយបន្សល់ទុកខ្សែគោ និងដំបងនៅកន្លែងកើតហេតុ ។

ក្រោយមានការភ្ញាក់ផ្អើល ជនរងគ្រោះត្រូវបានបញ្ជូនទៅព្យា បាលនៅមន្ទីរពេទ្យឯកជន ចំណែកសមត្ថកិច្ចបានចុះដល់កន្លែងកើតហេតុ ដើម្បីធ្វើការត្រួតពិនិត្យ ៕