បើកម៉ូតូ មកវាយដល់ផ្ទះ ថែមទាំង ទូរស័ព្ទគំរាម សម្លាប់មួយពូជ

ភ្នំពេញ ៖ ក្មេងស្ទាវ ប្រចាំភូមិម្នាក់ដែល ធ្លាប់ត្រូវបានចៅក្រម អមសាលាដំបូង រាជ ធានីភ្នំពេញ ចេញដីកាតាមចាប់ខ្លួនពាក់ព័ន្ធ ពីបទ ប្រើអំពើហិង្សាលើអ្នកដទៃនោះ ជាថ្មី ម្ដងទៀត បានប្រើអំពើហិង្សា លើយុវជន ម្នាក់ ពេលកំពុងអង្គុយក្បែរផ្ទះដោយជន បង្ករូបនេះ បើកម៉ូតូមកតែម្នាក់ឯង ហើយ ដេញវាយ និងយកបបរក្ដៅទៅជះទៀត ផង ប៉ុន្ដែ សំណាងល្អត្រូវបានជនរងគ្រោះ គេចទាន់ សំណាងអាក្រក់កើតលើក្មេង ប្រុសម្នាក់ អាយុ១៥ឆ្នាំ រលាកលើច្រមុះ ដោយសារតែត្រូវបបរក្ដៅនេះ ។

ហេតុការណ៍ ដេញវាយគ្នាបែបអនាធិប តេយ្យនេះ បានបង្កឱ្យមានការភ្ញាក់ផ្អើល ដល់ប្រជាពលរដ្ឋ នៅចំណុចច្រកធ្យូងបឹង សាឡាង សង្កាត់បឹងសាឡាង ខណ្ឌទួល គោក កាលពីវេលាម៉ោង ៣ និង៤០នាទី រសៀលថ្ងៃទី១១ ខែកញ្ញា ឆ្នាំ២០១៣នេះ។

លោក ឌី ដែលអះអាងថា ជាបងថ្លៃជន រងគ្រោះមានឈ្មោះ កើត សុថារិទ្ធ អាយុ ជាង ២០ឆ្នាំ បាននិយាយថា ជនបង្កដែល មកវាយប្អូនប្រុសរបស់ខ្លួន ដល់មុខផ្ទះនេះ មានឈ្មោះ អាបី ដោយសារតែរូបគេជា កូនភ្លោះ ៣នាក់ និងជាកូនពៅ អាយុជាង ២០ឆ្នាំ មុខរបរ មិនពិតប្រាកដ ។

លោក ឌី បាននិយាយថា មុនពេលកើត ហេតុ ជនបង្ករូបនេះបានបើកម៉ូតូម៉ាក អាយខុន ពណ៌ស ពាក់ស្លាកលេខ ភ្នំពេញ 1AH-3484 តែម្នាក់ឯងមកវាយប្អូនប្រុស របស់លោក ដែលកំពុងអង្គុយលេងមុខផ្ទះ ប៉ុន្ដែ ភ្លាមៗនោះត្រូវបានសាច់ញាតិ និង ប្រជាពលរដ្ឋក្បែរខាង ជួយអន្ដរាគមន៍ និង ដេញចាប់ទើបរូបគេបានផ្ដួលម៉ូតូរត់គេច ខ្លួនបាត់ទៅ ។ ប៉ុន្ដែ ជនបង្ករូបនេះក៏បាន ទូរស័ព្ទមកគំរាមថា បើសិនហ៊ានយកម៉ូតូ ទៅឱ្យសមត្ថកិច្ចនោះ រូបនេះនឹងធ្វើឱ្យ គ្រួសាររបស់លោកទាំងមូល នៅមិនបាន សុខនោះឡើយ ។ ចំពោះមូលហេតុដែល នាំឱ្យមានអំពើហិង្សាខាងលើនេះកើតឡើង មិនទាន់ត្រូវបានបញ្ជាក់ឱ្យច្បាស់លាស់ពីសាច់ញាតិជនរងគ្រោះនោះទេ ដោយអះ អាងថា មិនដឹងមកពីមូលហេតុអ្វីដែរ ។

យ៉ាងណាក៏ដោយ ម៉ូតូរបស់ជនបង្ករូប នេះ ត្រូវបានសមត្ថកិច្ចយកទៅរក្សាទុក ដើម្បីចាត់ការបន្ដទៀត ។ ប្រជាពលរដ្ឋនៅ សង្កាត់បឹងសាឡាងមួយចំនួន បានឱ្យដឹងថា ជនបង្កដែលគេហៅថា អាបី នេះ តែងតែ បង្ករឿង និងបង្កអំពើហិង្សាលើអ្នកដទៃជា ច្រើនដង ហើយកន្លងទៅបក្ខពួករបស់គេ ត្រូវបានសមត្ថកិច្ចចាប់ខ្លួនចំនួន ២នាក់ បញ្ជូនទៅតុលាការ និងដាក់ពន្ធនាគារ ហើយជនបង្កខាងលើ ក៏មានដីកាតាមចាប់ ខ្លួនផងដែរ ៕