វីដេអូ៖ ទស្សនាកំសាន្ត នូវស្នាដៃគំនូរ យ៉ាងអស្ចារ្យបំផុត ប្រៀបដូចជា រូបថតសខ្មៅ

វិចិត្រករសញ្ជាតិ អង់គ្លេស លោក ហ្គារ៉េត អេដវើត ប្រើប្រាស់តែប៊ិចសរសេរធម្មតា បង្កើតបានស្នាដៃគំនូរ យ៉ាងស្រស់ស្អាតជាទីបំផុត ដែលមើលទៅមាន លក្ខណៈពិតៗ តែម្តង។

តារាល្បីៗជាច្រើន ត្រូវបានលោក ហា្គរ៉េត គូរចេញជារូបរាងមុខមាត់ បានយ៉ាងអស្ចារ្យ ប្រៀបបានទៅនឹង រូបថត សខ្មៅយ៉ាងដូច្នោះដែរ។ គាត់បានប្រាប់ឲ្យដឹងថា គាត់បានចាប់ផ្តើម ងាកមកប្រើប្រាស់ ប៊ិចក្បាលមូលនេះ សំរាប់គូរគំនូរ ព្រោះតែគាត់មានការធុញទ្រាន់ និង ខ្ចិល ក្នុងការចិត ឬ សម្រួច ខ្មៅដៃ និង ការទុកដាក់ថ្នាំពណ៌។ គាត់បានបន្ថែមឲ្យដឹងទៀតថា បច្ចេកទេស គូរគំនូរ ដោយការប្រើប្រាស់ ប៊ិចក្បាលមូល មិនមែនជាការងាយស្រួលនោះទេ ព្រោះត្រូវមានការផ្ចិតផ្ចង់ខ្ពស់បំផុត និង ចំណាយពេលច្រើន ក្នុងការផ្តោតទៅលើចំណុច ដែលត្រូវគូរនិមួយៗ ហើយ សំរាប់គំនូរមួយផ្ទាំងៗ គាត់ត្រូវបានចំណាយ ២ ទៅ ៣សប្តាហ៍ ទៅតាមទំហំនៃគំនូរ។ ចង់ដឹងថាស្នាដៃ របស់គាត់ អស្ចារ្យយ៉ាងណានោះ សូមទស្សនាកំសាន្ត នូវរូបភាព មួយចំនួន និង វីដេអូខាងក្រោម៖

តើប្រិយមិត្តយល់យ៉ាងណាដែរ?

ដោយ សី

ខ្មែរឡូត