រថ​យន្ត​ ១គ្រឿង​ របស់​អ្នក​កាសែត​សង្គម​ និង​កីឡា​ ត្រូវ​ជន​មិន​ស្គាល់​មុខ​បាញ់​រះ​ចំនួន​​ ៥គ្រាប់​

ខេត្តមណ្ឌលគិរី ៖ រថយន្ត ១គ្រឿង របស់អ្នកកាសែតសង្គម និងកីឡា ឈ្មោះ អ៊ិត ប៊ុណ្ណា អាយុជាង ៤០ឆ្នាំ ត្រូវបានជនមិនស្គាល់មុខបាញ់រះចំនួន ៥គ្រាប់ កាលពីវេលាម៉ោង ៤យប់ ទៀបភ្លឺចូលថ្ងៃទី១០ កញ្ញា ២០១៣ ស្ថិតនៅចំណុចភូមិស្នែង ឃុំស្រែខ្ទុម ស្រុកកែវសីមា ខណៈដែលអ្នកកាសែតរូបនោះ បានព្យាយាមបើកដេញតាមរថយន្តដឹកឈើ ១គ្រឿង ស្រាប់តែមកដល់ចំណុចខាងលើ ក៏ត្រូវជនមិនស្គាល់មុខបាញ់ប្រហារតែម្តង ។

តាមប្រភពព័ត៌មាន បានឱ្យដឹងថា ជនមិនស្គាល់មុខស្លៀកពាក់ជាទាហាន ខោប៉ារ៉ា បាញ់រះទៅលើរថយន្តរបស់អ្នក កាសែតសង្គម និងកីឡា ចំនួន ៥គ្រាប់ តែត្រូវចំតែ ១គ្រាប់ ប៉ុណ្ណោះ ត្រង់ទ្វាររថយន្តខាងក្រោយផ្នែកខាងស្តាំ ភ្លាមៗ រូបគាត់ក៏បើករថយន្តគេចខ្លួន ។ បច្ចុប្បន្ន អ្នកកាសែតរូបនោះ កំពុងរៀបចំដាក់ពាក្យបណ្តឹង ៕