រាជធានីភ្នំពេញ ៖ បុរសម្នាក់សន្លប់ស្តូកស្តឹង ខណៈពេលស្រវឹងស្រាជិះម៉ូតូរេពេញផ្លូវទៅបុកសំបកកង់ឡានដែល គេដាក់ដីដាំផ្កានៅពីមុខផ្ទះ បណ្តាលឱ្យដួលកាលពីវេលាម៉ោង៩និង១០នាទីយប់ថ្ងៃទី២៥ មេសា នៅលើកំណាត់ផ្លូវលេខ៥៩២ ក្នុងសង្កាត់បឹងកក់ទី២ ខណ្ឌចំការមន។
ប្រភពព័ត៌មានពីកន្លែងកើតហេតុបានឱ្យដឹងថា ជនរងគ្រោះជិះម៉ូតូស្មាស ពណ៌ខ្មៅ តាមផ្លូវលេខ៥៩២ ក្នុងទិសដៅពីកើតទៅលិច ដោយជិះរេពេញផ្លូវក្នុងសភាពស្រវឹងទ្រេតទ្រោត ។ ខណៈពេលមកដល់ចំណុចកើតហេតុស្រាប់តែជ្រុលទៅបុកសំបកកង់ឡានដែល គេដាក់ដីដាំផ្កានៅពីមុខផ្ទះដួលសន្លប់ស្តូកស្តឹងតែម្តង ។
ក្រោយពេលកើតហេតុជនរងគ្រោះត្រូវបានគេដឹកទៅ សង្គ្រោះនៅគ្លីនិកឯកជនមួយ ។ ចំណែកម៉ូតូត្រូវសមត្ថកិច្ចយកទៅរក្សាទុកនៅប៉ុស្តិ៍រដ្ឋបាល សង្កាត់បឹងកក់ទី២ ៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
