យោងតាមប្រភពពីគេហទំព័រដេលីឈីលី ចេញផ្សាយថ្ងៃទី២២ មេសា ២០១២ ឱ្យដឹងថា តារាម៉ូដែលកំពុងពេញនិយមរបស់សិង្ហបុរី គឺនាង Jvnne Zheng បានទៅប្តឹងប៉ូលិសប្រឆាំងនឹងគេហទំព័រអាសអាភាសដែលបង្ហូចកេរ្តិ៍ឈ្មោះរបស់នាង ។ នាងបានប្តឹងថា គេហទំព័រអាសអាភាសដែលមានមូលដ្ឋាននៅក្រៅប្រទេស បានយករូបថតរបស់នាងទៅដាក់ក្នុងគេហទំព័រនោះដោយគ្មានការអនុញ្ញាតពីនាង នាំឱ្យប៉ះពាល់ដល់កេរ្តិ៍ឈ្មោះ កិត្តិយស និងសេចក្តីថ្លៃថ្នូររបស់នាងយ៉ាងខ្លាំង ។
នាងបានរៀបរាប់ប្រាប់អ្នកកាសែតថា នាងបានផ្ញើសារទៅកាន់គេហទំព័រនោះ សុំឱ្យលុបរូបថតរបស់នាងចេញ ព្រោះវាជាទង្វើផ្ទុយនឹងច្បាប់នៅប្រទេសសិង្ហបុរី ។ មិនត្រឹមតែប៉ុណ្ណោះ នាងបានទៅពឹងពាក់មិត្តជិតស្និទ្ធមួយចំនួនដើម្បីឱ្យជួយដោះស្រាយយករូបថតទាំងនេះចេញពីគេហទំព័រអាសអាភាសនោះ ប៉ុន្តែត្រូវមិត្តភក្តិទាំងនោះប្រាប់នាងថា គ្មានសង្ឃឹមទេ ដោយសារពួកគេបានព្យាយាមអស់លទ្ធភាពហើយ តែត្រូវបរាជ័យ ព្រោះម្ចាស់គេហទំព័រនោះមិនមែនទៅប្រទេសសិង្ហបុរី ។ ដោយឡែកប៉ូលិសក៏ពុំទាន់ស្រាវជ្រាវ និងចាប់ខ្លួនជនប្រព្រឹត្តល្មើសបាននៅឡើយដែរ ៕
ផ្តល់សិទ្ធដោយ កោះសន្តិភាព
ដោយ ៖ សាម៉ន
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
