រាជធានីភ្នំពេញ ៖ ម៉ូតូឃ្លីកបើកបរដោយក្មេងស្ទាវចំនួន២នាក់ជ្រែគេឯងហើយ ជ្រុលទៅបុកម៉ូតូឌ្រីមសេ១២៥ បណ្ដាលឱ្យរងរបួសមនុស្ស៣នាក់កាលពីវេលាម៉ោង៦និង១០នាទីព្រឹកថ្ងៃទី២៤ មេសា ២០១២ តាមបណ្ដោយផ្លូវម៉ៅសេទុង ក្នុងសង្កាត់ផ្សារដើមគ ខណ្ឌទួលគោក។
ប្រភពព័ត៌មានបានឱ្យដឹងថា មុនពេលកើតហេតុគេឃើញម៉ូតូឃ្លីកបើកបរដោយក្មេងស្ទាវ២នាក់ ក្នុងល្បឿនលឿនពីត្បូងទៅជើងតាមបណ្ដោយផ្លូវម៉ៅសេទុង ជ្រែគេឯងថែមទៀត។ លុះមកដល់ចំណុចកើតហេតុ ស្រាប់តែទៅបុកម៉ូតូឌ្រីមសេ១២៥ បើកបរដោយបុរសម្នាក់ក្នុងទិសដៅបញ្ច្រាសគ្នា បណ្ដាលឱ្យដួលប្រាវទៅនឹងថ្នល់សន្លប់២នាក់និងម្នាក់ទៀតរងរបួសស្រាល។
ក្រោយពីគ្រោះថ្នាក់ប៉ូលិសចរាចរខណ្ឌទួលគោក បានចុះទៅធ្វើការវាស់វែង ហើយយកម៉ូតូទាំង២ទៅរក្សាទុកនៅអធិការខណ្ឌ ដើម្បីរង់ចាំការដោះស្រាយ ៕
ដោយ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
