នូ ឧសភា លេងស្ទីលមួយនេះ ដាច់ចង្កេះហ្វេនមិនស្ទើរទេ

ភ្នំពេញ៖ នាពេលថ្មីៗនេះ តារាចម្រៀង និងសម្តែងសាច់ដុំ លោក នូ ឧសភា បានបង្ហាញឈុតសម្លៀកបំពាក់មួយឈុតទៅក្នុងបណ្តាញសង្គមដែលធ្វើ​ឱ្យ​ទស្សនិកជន និងហ្វេនមានការភ្ញាក់ផ្អើលមិនតិចនោះទេ។

ដោយឡែក តារាប្រុសរូបនេះ បានបង្ហាញឈុតសម្លៀកបំពាក់តាមបែបសុិចសុីមួយឈុត ដោយមានអាវកាក់មួយ ខោជើងវែង រួមទាំងដែកធំមួយជាប់នឹងកផងដែរ ក្រៅពីនេះលោកក៏បានលេងទឹកមុខរាងកាច និងសក់ខ្លីផងដែរ ដែលមើលទៅប្លែកភ្នែកខ្លាំងពីរាល់ដង សូម្បីតែហ្វេនក៏លាន់មាត់ថាមើលមិនចង់ស្គាល់ដែរ។

យ៉ាងណាមិញ អ្នកគាំទ្រក៏បានបន្ថែមទាំងមានការងឿងឆ្ងល់ទៀតថា លោក នូ ឧសភា បាត់សាច់ដុំពោះទៅណាអស់រលីង ដោយពោះដូចរាងបោងឡើងវិញ៕

រូបភាព៖ Reynier Abello

សូមចូលទស្សនារូបភាពខាងក្រោម៖