ខេត្តកំពង់ធំ ៖ បុរសម្នាក់បាក់ក្តោងច្រមុះ បែកចង្កា និងងាប់កូនគោអស់មួយក្បាលខណៈជិះម៉ូតូទៅបុកកូនគោដើរឆ្លង ផ្លូវ ស្ថិតក្នុងភូមិខ្មាស់ ស្រុកប្រាសាទបល័្លង្ក កាលពីវេលាម៉ោង៧យប់ថ្ងៃទី២២ មេសា។
ជនរងគ្រោះមានឈ្មោះយ៉ែម ទុំ ភេទប្រុស អាយុ៤៧ឆ្នាំ មានទីលំនៅ ភូមិកើតហេតុខាងលើ ។ ប្រភពពីប្រពន្ធជនរងគ្រោះបានឱ្យដឹងថា មុនពេលកើតហេតុ ជនរងគ្រោះជិះម៉ូតូវីវ៉ា ពណ៌ក្រហមចេញពីយាមដី ក្នុងគោលបំណងត្រឡប់ទៅផ្ទះវិញ ។ លុះជិះជិតដល់ផ្ទះ ហើយនៅសល់តែ១០០ម៉ែត្រប៉ុណ្ណោះ ស្រាប់តែមានមេគោ និងកូនគោបណ្តើរគ្នាឆ្លងផ្លូវ ។ប្រភពដដែលបន្តទៀតថា ដោយសារតែម៉ូតូរបស់ជនរងគ្រោះភ្លើងបំភ្លឺមិនសូវភ្លឺច្បាស់ ទើបមើលមិនឃើញ ក៏ជ្រុលទៅបុកចំកូនគោបណ្តាលឱ្យដួលបាក់ក្តោងច្រមុះ និងបែកច្រមុះ ចំណែកកូនគោបានងាប់នៅកន្លែងកើតហេតុ ។
ក្រោយពេលកើតហេតុ សមត្ថកិច្ចបានចុះទៅជួយអន្តរាគមន៍ ហើយប្រកាសសួររកម្ចាស់កូនគោងាប់ ប៉ុន្តែគ្មាននរណាម្នាក់អះអាងថា ជាម្ចាស់គោនោះទេ ៕
ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
