ខេត្តព្រៃវែង ៖ បុរសម្នាក់ស្លាប់បាត់បង់ជីវិតពេលបញ្ជូនទៅដល់មន្ទីរពេទ្យ និងម្នាក់ទៀតរបួសធ្ងន់ ខណៈពេលជិះម៉ូតូត្រឡប់មកពីធ្វើការ ត្រូវរថយន្តមិនស្គាល់ម៉ាកបុកពីក្រោយ។ ហេតុការណ៍នេះកើតឡើងនៅវេលាម៉ោង៦និង៤០នាទី ថ្ងៃទី២២ មេសា លើផ្លូវជាតិលេខ៨ ស្ថិតក្នុងភូមិកាចាប់ ភូមិព្រៃខ្លា ស្រុកស្វាយអន្ទរ។ កំណាត់ផ្លូវជាតិលេខ៨ វេលាយប់រថយន្តបើកលឿនណាស់ គប្បីមានការប្រយ័ត្នក្នុងការធ្វើដំណើរត្រូវមានភ្លើងបំភ្លឺ គ្រប់គ្រាន់ ។
ជនរងគ្រោះស្លាប់ពេលបញ្ជូនទៅដល់មន្ទីរពេទ្យ ព្រះកុសុមៈ ឈ្មោះឈិន ជីម ភេទប្រុស អាយុ៤០ឆ្នាំ ជាជាងឈើ មានស្រុកកំណើតនៅភូមិគល់ជ្រៃ ឃុំស្វាយអន្ទរ ស្រុកស្វាយអន្ទរ និងម្នាក់ទៀតរបួសធ្ងន់ឈ្មោះម៉ុក ជន់ ភេទប្រុស អាយុ៣៥ឆ្នាំ ជាជាងឈើ ស្នាក់នៅជិតគ្នា ។ស្ត្រីជាប្រពន្ធអ្នកស្លាប់ឱ្យដឹងថា ជនរងគ្រោះទាំងពីរនាក់ជិះម៉ូតូគុបជ្រុង ឌុបគ្នាចេញពីផ្ទះគេនៅជិតកន្លែងកើតហេតុ ស្រាប់តែត្រូវរថយន្តមិនស្គាល់ម៉ាកបើកបុកពីក្រោយ បណ្តាលឱ្យដួលបោកក្បាលរបួសធ្ងន់ទាំងពីរនាក់ ។
ជនរងគ្រោះទាំង២នាក់ត្រូវបានបញ្ជូនទៅព្យាបាល នៅមន្ទីរពេទ្យព្រះកុសុមៈទាំងយប់ តែជាអកុសលប្តីគាត់ស្លាប់បាត់បង់ជីវិតពេលបញ្ជូនដល់មន្ទីរ ពេទ្យ ។សពជនរងគ្រោះត្រូវក្រុមគ្រួសារដឹកយកទៅធ្វើបុណ្យតាមប្រពៃណី នៅស្រុកកំណើតវិញ ។
ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
