រាជធានីភ្នំពេញ ៖ ចោរម្នាក់ក្នុងចំណោមបក្សពួក២នាក់ត្រូវនគរបាលប៉ុស្តិ៍ ផ្សារដើមថ្កូវ ចាប់ខ្លួនកាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី ២៣ មេសា ២០១២ នៅចំណុចផ្លូវលេខ៥១៤ សង្កាត់ផ្សារដើមថ្កូវ ខណ្ឌចំការមន ខណៈដែលចោរប្លន់រូបនេះធ្វើសកម្មភាពភ្ជង់ប្លន់យកម៉ូតូម៉ាក ហ្វ៉ីណូ ពណ៌សលាយខ្មៅ ពីនារីម្នាក់មិនបានសម្រេច ហើយបក្សពួកចោរប្លន់បាញ់ត្រូវចំជើងគ្នាឯងមួយគ្រាប់រត់លែង រួចត្រូវប៉ូលិសចាប់ខ្លួនបានភ្លាមៗ។
ចោរប្លន់ដែលសមត្ថកិច្ចចាប់ខ្លួននេះឈ្មោះ ម៉ុន សុហាក់ អាយុ២៩ឆ្នាំ មានទីលំនៅផ្ទះជួលក្នុងសង្កាត់ទួលសង្កែ ខណ្ឌឫស្សីកែវ ជិះម៉ូតូម៉ាកស្មាស ពណ៌ខ្មៅ រួមដំណើរជាមួយបក្សពួកម្នាក់ទៀតអត់ស្គាល់អត្តសញ្ញាណរត់គេច ខ្លួនបាត់បានតាមភ្ជង់ប្លន់យកម៉ូតូម៉ាកហ្វ៉ីណូពីនារីម្នាក់ ឈ្មោះ ជឹម សុជាតា អាយុ២១ឆ្នាំ ខណៈដែលនារីរងគ្រោះជិះម៉ូតូចេញពីធ្វើការត្រឡប់ទៅផ្ទះពេល យប់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]