តារាកម្សាន្ត៖ កាលពីពេលថ្មីៗនេះ ក្រោយទទួលបាននូវដំណឹងមរណទុក្ខដ៏សែនក្រៀមក្រំ ក្រោយពេលដែលវីរ:សិល្បការិនីខ្មែរយ៉ាងជំនាញខាងផ្នែកចម្រៀង និងសម្តែង លោកជំទាវកែវ មន្ថា បានទទួលមរណភាពដោយរោគាពាធនោះ តារាល្បីៗជាច្រើនរួមមាន លោក ករុណា ពេជ្រ លោកសុគន្ធ ថេរ៉ាយុទ្ធ អ្នកដឹកនាំសម្តែងលោក កុល សោភោ និងលោក ជ័យ សុវ៉ាត ព្រមទាំងកញ្ញា សុវត្ថិ ឌីធារិកា បានលេចមុខមានវត្តមាននៅក្នុងកម្មវិធីបុណ្យសព ដើម្បីជាការចូលរួមរំលែកទុក្ខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងយោងតាមគណនីហ្វេសប៊ុករបស់តារាប៉ុន្មានដួងខាងលើនេះ បានបង្ហោះនៅរូបថតប៉ុន្មានសន្លឹក បង្ហាញនូវទិដ្ឋភាពក្នុងពិធីបុណ្យសពលោកជំទាវកែវមន្ដា ប្រកបដោយទឹកមុខដ៏ស្រពាប់ស្រពាន និងទឹកចិត្តអាឡោះអាល័យចំពោះការបាត់បង់នូវធនធានដ៏កម្រខាងផ្នែកសិល្ប:ចម្រៀង និងសម្តែងរបស់កម្ពុជាជាខ្លាំង។
សូមរំលឹកផងដែលថា លោកជំទាវកែវ មន្ថា គឺជាតារាចម្រៀង និងជាតារាសម្តែងដែលទទួលបានប្រជាប្រិយភាព និងទទួលបានការគាំទ្រខ្លាំង ពីសំណាក់មហាជន និងប្រជាពលរដ្ឋក្នុងកំឡុងទសវត្សទី៦០ និង៧០ និងជាពិសេសតាមរយ:បទមរតកដើមមួយបទមានចំណងជើងថា ខ្យល់កំពូលភ្នំ ដែលធ្វើឲ្យមហាជនខ្មែរចងចាំសិល្បការិនីរូបនេះពុំភ្លេចចំពោះទឹកដមសម្លេងដ៏សែនពិរោះរបស់លោកស្រី៕
ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ៖
១/. លោក ករុណាពេជ្រ
២/.លោក សុគន្ធ ថេរ៉ាយុទ្ធ
៣/.លោកជ័យ សុវ៉ាត
៤/. កញ្ញា សុវត្ថិឌី ធារិកា
៥/.អ្នកដឹកនាំសម្តែងលោក កុល សោភោ