ក្រុមហ៊ុនសន្តិសុខមួយនៅទីក្រុងប៉េកាំង ពេលថ្មីៗនេះបានហ្វឹកហាត់ដល់បុគ្គលិកស្រីរបស់ខ្លួនក្នុងរយៈពេល២សប្តាហ៍នៅក្រុងសាន់យ៉ា ភាគខាងត្បូងខេត្តហៃណាន ប្រទេសចិន ។ នេះបើយោងតាមប្រភពគេហទំព័រ tebao.net ចេញផ្សាយថ្ងៃទី១២ ខែមករា កន្លងមក ។
ក្រុមហ៊ុន Tianjiao Special Guard/Security Consultant Ltd.Co នឹងហ្វឹកហ្វឺនពួកគេក្នុងរយៈពេលពី៨ខែទៅ១០ខែ ដើម្បីទទួលបាននូវជំនាញពិតប្រាកដយកទៅបម្រើអតិថិជនរបស់ខ្លួន ។ ប្រភពបន្តថា សន្តិសុខស្រីស្រស់ទាំងនោះភាគច្រើនសុទ្ធតែបានបញ្ចប់ការសិក្សានៅសាកលវិទ្យាល័យ ហើយពួកគេបានចូលហ្វឹកហាត់ឆ្លងកាត់ឧបសគ្គជាច្រើន ដើម្បីក្លាយជាអ្នកការពារសន្តិសុខអាជីព ។
ជាមួយនឹងទិសដៅបង្កើតក្រុមសន្តិសុខស្រីស្រស់ “Super Beauty Bodyguard” ក្រុមហ៊ុនបាននិយាយថា ពួកគេនឹងបញ្ចូនសិក្ខាកាមនារីដែលបានហ្វឹកហាត់ដល់កម្រិតកំពូលៗចំនួន៣រូបទៅកាន់បណ្ឌិតសភាសន្តិសុខអន្តរជាតិរបស់ប្រទេសអ៊ីស្រាអែល ដើម្បីហ្វឹកហាត់បន្ថែម ទៀត ។ យោងតាមកាសែត និងគេហទំព័រដេលីម៉ែលរបស់អង់គ្លេសបានឱ្យដឹងថា សិក្ខាកាមនារីមួយចំនួននឹងបង្កើននូវជំនាញរបស់ពួកគេក្នុងការហ្វឹកហាត់វគ្គឈ្លបយកការណ៍, វគ្គប្រឆាំងអំពើភេរវកម្ម, ការធ្វើសឹកសង្គ្រាម, ជាពិធីការក្នុងអាជីវកម្មជាដើម ។
កាសែតដដែលបានបន្តថា ក្រោយពេលបញ្ចប់វគ្គបណ្តុះបណ្តាលសន្តិសុខនេះទៅ ពួកនាងនឹងទទួលបានប្រាក់ខែខ្ពស់ក្នុងអាជីពជាអ្នកការពារសន្តិសុខ ប្រសិនបើក្រុមអ្នកជំនួញដែលមានទ្រព្យសម្បត្តិជ្រើសរើសពួកនាងធ្វើជាអង្គរក្សការពារសុវត្ថិភាពពួកគេ ព្រោះថា សន្តិសុខស្រីបច្ចុប្បន្នកំពុងតែមានតម្រូវការយ៉ាងពិសេស ដោយហេតុថា ពួកនាងពិបាកក្នុងការចំណាំជាងសន្តិសុខបុរស ។ ជាងនេះទៅទៀត ពួកនាងអាចតែងខ្លួនបាននូវមុខតំណែងដូចជា លេខា , ជាមេដោះ ឬជាគិលានុបដ្ឋយិកាក៏បាន ៕
ដកស្រង់ពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]