ស្ទះចរាចរណ៍ ៣ម៉ោង មានមនុស្សជាច្រើន យកពេលលេងកីឡា និងដាក់កៅអីអង្គុយលេង កណ្ដាលផ្លូវ

កាលពីម្សិលមិញនេះ នៅតាមផ្លូវ M25 របស់ទីក្រុងឡុង ប្រទេសអង់គ្លេស បានក្លាយទៅជាកន្លែងចំណតរថយន្ដដ៏ធំមួយ ដោយសារតែមានគ្រោះថ្នាក់ចរាចរណ៍មួយ បានកើតឡើង បង្ករឲ្យមានការស្ទះផ្លូវអស់ប្រហែល ៣ម៉ោង។

ក្នុងរយៈពេលរងចាំដ៏យូរនេះ មានមនុស្សមួយគ្រួសារ បាននាំគ្នាលេងល្បែងវាយបាល់ (Cricket bat) នៅលើផ្លូវហាយវេនោះ។ មានបុរសម្នាក់ទៀត បានដាក់កៅអីនៅកណ្ដាលផ្លូវ ហើយយកកុំព្យូទ័រយូរដៃរបស់គាត់មកលេង។ ហេតុការណ៍មួយនេះ បានធ្វើឲ្យ អ្នកដំណើរជាច្រើន ខកខានការធ្វើដំណើរ។

យោងតាមប្រភពព័ត៌មាន ពីប៉ូលីសបានឲ្យដឹងថា មានមនុស្ស ៨នាក់រងរបួសស្រាល និង២នាក់រងរបួសធ្ងន់ សរុបគឺ ១០នាក់។ មានឡានពេទ្យចំនួន ៦ និងរថយន្ដពន្លត់អគ្គីភ័យចំនួន ៤ បានចូលមកជួយសង្គ្រោះជនរងគ្រោះ។ គ្រោះថ្នាក់ចរាចរណ៍ បានកើតឡើងប្រហែលជាម៉ោង១ និង២៥នាទីថ្ងៃត្រង់ ដែលបង្ករឡើងដោយរថយន្ដច្រើនកៅអី ពណ៌សមួយគ្រឿង ទៅបុកជាមួយនឹងរថយន្ដជាច្រើនទៀត។

តើប្រិយមិត្តយល់យ៉ាងណាចំពោះករណីនេះ? សូមទស្សនារូបភាពខាងក្រោម៖

កែសម្រួលដោយ អៀង

ខ្មែរឡូត