មន្ដស្នេហ៍សាហាវ Vill Wannarot ស្អាតប្លែក

ថៃ៖ ជាការពិតណាស់ ប្រិយមិត្តដែលតែងតែនិយមតាមដានទស្សនា រឿងភាគថៃ ប្រាកដជាមិនរំលង តួឯកស្រី ដែលសម្ដែងដោយ Vill Wannarot នោះទេ។ ជាពិសេស តារាស្រីរូបនេះ មានប្រជាប្រិយភាពល្បីល្បាញជាខ្លាំងនៅក្នុង វិស័យភាពយន្ដភាគថៃ ដែលមហាជនចាប់អារម្មណ៍ជាខ្លាំងទៅលើ សម្រស់ របស់នាងតែម្ដង។ 

ជាក់ស្ដែង តារាសម្ដែងស្រី Vill Wannarot មានអាយុ ៣២ឆ្នាំ ហើយ ប៉ុន្ដែនាងនៅតែមាន សម្រស់ក្មេងខ្ចី ហាក់ដូចជា មិនចេះចាស់សោះ លើសពីនោះនាងកាន់តែ ស្អាត ទៅៗពី មួយថ្ងៃទៅមួយថ្ងៃ ទៀតផង។ ជាមួយគ្នានេះដែរ ចាប់តាំងពី Vill ផ្លាស់ប្ដូរ ស្ទាយ៍តែងខ្លួន មកនាងកាន់តែមាន ភាពលេចធ្លោ បន្ថែមទៀត។ 

មិនតែប៉ុណ្ណោះ Vill មានមន្ដស្នេហ៍មិនធម្មតាជាមួយនឹង ស្ទាយ៍ផាត់មុខបែបបរទេស ដែលធ្វើឲ្យតារាស្រីរូបនេះរឹតតែទាក់ទាញ។ នៅក្នុងនោះផងដែរ Vill បានផាត់មុខបែបស៊ិចស៊ី ថ្ពាល់ផ្កាឈូក បបូរមាត់ពណ៌ស្រស់ ចំណែកឯ រោមភ្នែកវែងៗ ដូចតុក្កតា៕