អឺរ៉ុប៖ បច្ចុប្បន្នខ្សែប្រយុទ្ធ Luis Suarez មានវ័យ៣៤ឆ្នាំហើយ ហើយគាត់ដឹងថាសមត្ថភាពកំពូលរបស់គាត់ ក៏នឹងជិតបញ្ចប់ហើយដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខណៈនៅក្នុងការជជែកមួយ ជាមួយលោក Diego Lugano ដែលជាមិត្ដភក្ដិ ក៏ដូចជាមិត្ដរួមសញ្ជាតិអ៊ុយរូហ្គាយ Suarez បានបដិសេធ ក្នុងការត្រឡប់ទៅលេងនៅប៉ែកអាមេរិកខាងត្បូង ផ្ទុយទៅវិញ ចាប់អារម្មណ៍លីគអាមេរិក MLS និងក្លិបបាល់ទាត់ក្នុងតំបន់អាស៊ី នៅពេលផុតកុងត្រាជាមួយក្លិប Atletico Madrid។
Suarez បានប្រាប់លោក Lugano នៅក្នុងបទសម្ភាសន៍ជាមួយ ESPN ថា៖
ខ្ញុំឲ្យតម្លៃយ៉ាងខ្លាំងចំពោះការខិតខំប្រឹងប្រែង ដែលខ្ញុំបានធ្វើ ដើម្បីឈរជាកីឡាករកំពូល និងបន្សល់ទុកនូវរូបភាពដល់ល្អមួយ។ ប្រសិនបើខ្ញុំត្រឡប់ទៅប្រលូកបាល់ទាត់នៅអាមេរិកខាងត្បូង នៅអាយុ៣៦ ឬ ៣៧ឆ្នាំ នោះមនុស្សនឹងទាមទារសមត្ថភាពខ្ញុំ ដូចកាលមានអាយុ ២៧ ឬ ៣០ឆ្នាំ។ ហើយប្រសិនបើខ្ញុំធ្វើមិនបានក្នុងកម្រិតនោះ ពួកគេនឹងនិយាយថាខ្ញុំមិនរត់ និងស៊ុតបញ្ចូលទីដូចដែលខ្ញុំធ្លាប់ធ្វើ។
Suarez បន្ដថា៖
ខ្ញុំនឹងបន្ដលេងនៅកន្លែងណា ដែលខ្ញុំអាចលេងក្នុងកម្រិតដ៏ល្អ។ ខ្ញុំអាចរីករាយនឹងបាល់ទាត់ដោយគ្មានសម្ពាធ ដូចនៅអាមេរិកខាងត្បូង ដែលមានសម្ពាធជាងនៅសហរដ្ឋអាមេរិក និងតំបន់អាស៊ី ឬ កន្លែងដែលចង់រីករាយជាមួយបាល់ទាត់ ក្នុងវ័យ៣៧ឆ្នាំ៕
ប្រភព៖ besoccer
Bong I.T