ចុងឆ្នាំ​នេះ ថៃគ្រោងហៅ Lisa និង Andrea Bocelli ត្រៀមជះលុយក្នុង១ថ្ងៃ៣លានដុល្លារ

ថៃ៖ រដ្ឋាភិបាលប្រទេសថៃ បានប្រកាសថា ខ្លួននឹងត្រៀមចំណាយប្រហែល 100 លានបាត ដើម្បីគម្រោងហៅតារាស្រី K-pop នាង Lalisa នៃក្រុម BLACKPINK និង Tenor ដ៏ល្បីឈ្មោះ ជនជាតិអ៊ីតាលីលោក Andrea Bocelli សម្រាប់ការប្រារព្ធពិធីចូលឆ្នាំថ្មីនៅចុងឆ្នាំនេះ។

ទន្ទឹមនឹងនេះដែរ ក្រសួងទេសចរណ៍ និងកីឡាបានបញ្ជាក់ថា តារាចម្រៀងទាំងពីរ នឹងសម្តែងក្នុងកម្មវិធីរាត្រីឆ្លងឆ្នាំនៅខេត្តភូកេត ដែលជាផ្នែកមួយ ក្នុងគម្រោងការ បើកសេដ្ឋកិច្ចទេសចរណ៍ ដើម្បីស្តារប្រទេសឡើងវិញ។

យ៉ាងណាមិញ គម្រោងមួយនេះ វាត្រូវចំណាយអស់ប្រហែល ៣ លានដុល្លារអាមេរិក (ប្រហែល ១០០ លានបាត) ដោយដកស្រង់សម្តីរបស់នាយករដ្ឋមន្ត្រី អ្នកនាំពាក្យរដ្ឋាភិបាល ក៏បានបន្ថែមផងដែរថា រដ្ឋាភិបាលបានត្រៀមថវិកាសម្រាប់ទាំងការស្តារឡើងវិញ និងគម្រោងជាច្រើន ដើម្បីជម្រុញសេដ្ឋកិច្ចក្នុងស្រុកដូច្នេះដែរ៕

ប្រភព៖ bangkokpost

សូមទស្សនារូបភាពខាងក្រោម៖