បរទេស៖ កីឡាករ Jesse Lingard បានចុចសញ្ជា (ចូលចិត្ត) នៅក្នុងការបង្ហោះមួយលើបណ្តាញសង្គម Instagram ដែលនោះជាទំព័ររបស់អ្នកគាំទ្រ Cristiano Ronaldo ហើយនៅក្នុងការបង្ហោះនោះដែរ ពួកគេបានដាក់ការស្នើសុំដោយចង់ឱ្យ Manchester United បណ្តេញលោក Ole Gunnar Solskjaer ចេញពីតំណែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយ Man UTD បានរងបរាជ័យយ៉ាងអាម៉ាស់ក្រោមថ្វីជើងក្រុម Liverpool ក្នុងលទ្ធផលរហូតដល់ទៅ ៥-០, កៅអីរបស់លោក Solskjaer ហាក់ឡើងកម្តៅ និងទទួលរងសម្ពាធខ្លាំងមែនទែន, យ៉ាងណាមិញ អ្នកគាំទ្រជាច្រើនក៏បានបង្ហាញការមិនពេញចិត្តទៅលើអ្នកចាត់ការរូបនេះផងដែរ ដោយពួកគេកំពុងទទូចចង់ឱ្យក្រុម បិសាចក្រហម បណ្តេញលោកចេញពីតំណែង។
យោងតាមការចុះផ្សាយរបស់គេហទំព័រ MEN បានឱ្យដឹងថា ម្ចាស់ក្លិបរបស់ Man UTD កំពុងពិចារណាចង់បណ្តេញអ្នកចាត់ការសញ្ជាតិ ន័រវេស ចេញពីតំណែង, ប៉ុន្តែយ៉ាងណាគឺមិនទាន់មានការសម្រេចចិត្តច្បាស់នៅឡើយទេ។ ទោះបែបនេះក្តី អ្នកចាត់ការវ័យ ៤៨ ឆ្នាំត្រូវបានគេសន្និដ្ឋានថាកៅអីរបស់លោកនឹងអាចរង្គោះរង្គើរក្នុងពេលឆាប់ៗ ព្រោះសូម្បីតែកីឡាករក្នុងក្រុមមួយចំនួនដូចជា Lingard ជាដើម ក៏មិនសូវពេញចិត្តនឹងការដឹកនាំរបស់លោកដែរ៕
ប្រភព៖ Sportbible