កូន​ភ្លោះ​៣ ​កើត​​​នៅទឹកដី​នាង​កង្រី​ដោយ​ការ​វះ​កាត់​​ សុំ​ក្តី​មេត្តា​ពី​សម្តេច​ ហ៊ុន សែន

ខេត្តកំពង់ឆ្នាំង ៖ កូនភ្លោះ៣ របស់សម្តេចតេជោ ហ៊ុន សែន ត្រូវបានក្រុមគ្រូពេទ្យ របស់មន្ទីរពេទ្យបង្អែកខេត្តកំពង់ឆ្នាំង វះកាត់ដោយជោគជ័យ កាលពីវេលាម៉ោង១០ និង២០នាទីយប់ថ្ងៃទី១៣ សីហា បន្ទាប់ពីម្តាយរបស់ពួកគេ ឈឺពោះ និងបានមកមន្ទីរពេទ្យ ដើម្បីសម្រាល ។

លោកឯម សារឿន អាយុ៣៨ឆ្នាំ មានទីលំនៅក្នុងភូមិជំទាវបុត្រី ឃុំផ្សារ ស្រុកបរិបូណ៌បាននិយាយថា  ប្រពន្ធគាត់ឈ្មោះគុច សុផាត អាយុ២៧ឆ្នាំ បានសម្រាលកូននាពេលនេះគឺជាលើកទី៣ ហើយដែលកូនច្បងបង្អស់មានអាយុុ៧ឆ្នាំ និងកូនប្អូនអាយុ៣ឆ្នាំ ។ ដោយឡែកការសម្រាលកូនលើកទី៣នេះគឺមានកូនភ្លោះរហូតដល់ទៅ ៣តែម្តង ហើយសុទ្ធតែជាកូនស្រីទាំងអស់ ។ ប្រពន្ធគាត់ពេលមានផ្ទៃពោះពុំដែលបានទៅពិនិត្យអេកូមើលផ្ទៃពោះ អ្វីទេ ស្រាប់តែពេលមកសម្រាលកូននៅក្នុងមន្ទីរពេទ្យ គ្រូពេទ្យបាននិយាយថាកូនភ្លោះ៣នាក់ ។

ទោះបីបែបនេះក្តីក្រុមគ្រូពេទ្យបាននិយាយថា កូនទាំង៣មានទម្ងន់មិនគ្រប់គីឡូទេ គឺ១-មានទម្ងន់១,៤០គីឡូក្រាម ២-ទម្ងន់១,៧០គីឡូក្រាម និង៣-ទម្ងន់១,៥០គីឡូក្រាម ។ ក្រៅពីទម្ងន់មិនគ្រប់នេះ ក៏មានសុខភាពខ្សោយទៀត ផង ទើបយកមកដាក់បន្ទប់កម្តៅបែបនេះ ចំណែកម្តាយរបស់ទារកវិញគឺមានសុខភាពជាធម្មតាទេ ។ ស្ត្រីជាម្តាយ និងឪពុកកូនភ្លោះ៣បានលើកដៃសុំជំនួយពីសម្តេចតេជោ ហ៊ុន សែន តាមរយៈសារព័ត៌មានកោះសន្តិភាព សូមឱ្យជួយដល់ពួកគាត់ផងពីព្រោះពេលនេះកំពុងសម្រាក ព្យាបាលនៅក្នុងមន្ទីរពេទ្យខេត្ត ៕

បញ្ចូលអត្ថបទ ៖ ស្រីណា កោះ