អង់គ្លេស៖ ឆ្មាញីមួយក្បាលឈ្មោះថា លូណា អាយុ២ឆ្នាំ និងមកពីទីក្រុង Manchester នៃប្រទេសអង់គ្លេស បានកើតមកមានមុខសងខាងផ្សេងពីគ្នា ដែលម្ខាងជាប្រភេទពូជឆ្មា Ginger និងម្ខាងទៀតពណ៌ខ្មៅ ដែលនេះជាលក្ខខណ្ឌកំណើតដ៏ក្របំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ឆ្មានេះត្រូវបានស្ត្រីជាម្ចាស់ទទួលចិញ្ចឹម ក្រោយពីឆ្មាចិញ្ចឹមរបស់ខ្លួនមួយក្បាលបានរត់ចេញពីផ្ទះ។ ហើយវាត្រូវបានគេស្គាល់ជាផ្លូវការថាជាឆ្មា Chimera ដែលមានន័យថា DNA ពីរឈុត ព្រោះតែអំប្រ៊ីយ៉ុងពីរផ្សេងគ្នាបានរួមបញ្ជូលគ្នានៅក្នុងផ្ទៃរបស់ម្ដាយវា។
យ៉ាងណាមិញ សព្វថ្ងៃនេះ ឆ្មាលូណា រស់នៅយ៉ាងមានសុខភាពល្អ និងលូតលាស់បានល្អ ហើយរាល់ពេលចេញទៅខាងក្រៅម្ដងៗ តែងតែមានគេចោមរោមមើលវាជាច្រើនផងដែរ។
គួរឲ្យដឹងដែរថា ឆ្មាញីនីមួយៗអាចផ្ទុកអំប្រ៊ីយ៉ុងដែលត្រូវបានបង្កកំណើតដោយឆ្មាឈ្មោលផ្សេងៗគ្នាក្នុងពេលតែមួយ។ ហើយចំពោះឆ្មាប្រភេទ Chimera អាចកើតឡើងនៅពេលដែលអំប្រ៊ីយ៉ុងពីរ ត្រូវបានបង្កកំណើតដោយឆ្មាឈ្មោលពីររួមបញ្ចូលគ្នា។
ប្រភព: Daily Mail
សូមទស្សនារូបភាពខាងក្រោម៖