ភ្នំពេញ៖ យោងតាមផេកហ្វេសប៊ុកផ្លូវការរបស់រដ្ឋមន្ត្រីក្រសួងព័ត៌មាន បានឱ្យដឹងថា គិតនៅត្រឹមថ្ងៃទី ២៦ ខែតុលា ឆ្នាំ២០២១នេះ វត្តអារាមនៅតាមដងស្ទឹងព្រែកត្នោត ស្ថិតក្នុងភូមិសាស្ត្រខណ្ឌដង្កោ គឺមានវត្តចំនួន៦ហើយ បានទទួលរងនូវការលិចលង់ រួមមាន៖ វត្តសាក់សំពៅ, វត្តចំការខ្សាច់, វត្តព្រែកជ្រៃ, វត្តហារាម, វត្តទឹកថ្លា, វត្តកំពុងក្តុល (ទើបតែលិចមុននេះបន្តិច)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ដែរថា បច្ចុប្បន្នទឹកស្ទឹងព្រែកត្នោត បានហក់ឡើងជាបន្តបន្ទាប់ បណ្តាលមកពីទឹកជំនន់ផ្នែកខាងលើធ្វើឱ្យទឹកស្ទឹងព្រែកត្នោត ក្នុងភូមិសាស្ត្រខណ្ឌដង្កោ កើនឡើងរហូតហូរកាត់ផ្លូវ និងជន់លិចផ្ទះប្រជាពលរដ្ឋមួយចំនួនផងដែរ។
ក្នុងនោះដែរ ក្រុមការងាររបស់រដ្ឋបាលរាជធានីភ្នំពេញ ក៏ដូចជាក្រុមការងារក្រសួងធនធានទឹក រួមទាំងកងកម្លាំងកងទ័ព បានចុះមកអន្តរាគមន៍ក្នុងការជួយសង្គ្រោះប្រជាពលរដ្ឋ ដែលរងគ្រោះដោយជំនន់ទឹកភ្លៀងនេះ និងអំពាវនាវទៅដល់បងប្អូនប្រជាពលរដ្ឋ ឱ្យមានការប្រុងប្រយ័ត្នខ្ពស់៕