កូរ៉េខាងត្បូង ៖ ឧស្សាហកម្មតន្ត្រីកូរ៉េស្តាប់ទៅដូចជាអស្ចារ្យ និងភ្លឺចែងចាំងល្បីល្បាញណាស់ ប៉ុន្តែនៅពីក្រោយនោះគឺជាការកំណត់ស្តង់ដារដ៏តឹងរឹង និងមានតម្រូវការដ៏ខ្ពស់ លើរូបរាងសម្រាប់សិល្បករទាំងបុរស និងនារី ហើយនៅទីនោះរូបរាងត្រូវបានចាត់ទុកថាជា ទេពកោសល្យមួយប្រភេទផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនោះ តាំងពីទម្ងន់ដល់រូបរាង តារាចម្រៀងត្រូវទទួលសម្ពាធយ៉ាងច្រើន ពីអ្នកគាំទ្រ និងក្រុមហ៊ុនដែលគ្រប់គ្រងពួកគេ ក្នុងនោះស្តង់ដារសម្រស់កូរ៉េ រួមមាន រាងស្លីម មុខតូច ថ្គាមរាង V ស្បែកសរលោង ចិញ្ចើមផ្ដេក និងភ្នែកមូលធំជាដើម។
ជាការពិតណាស់ តារា K-pop មិនអាចបំពេញតាមស្តង់ដារលំបាកៗ រាប់មិនអស់ទាំងនេះបានទេ ហើយថ្មីៗនេះ អតីតសមាជិកក្រុម Blady គឺ Tina បានចែករំលែកអាថ៌កំបាំងដ៏គួរឱ្យភ្ញាក់ផ្អើល នៅពីក្រោយរូបរាងរបស់តារាល្បីៗជាច្រើន ដែលតារាស្រីរូបនេះបានលើកឡើងថា ក្រុមហ៊ុនកម្សាន្តតែងតែរិះរកវិធីផ្សេងៗ ឲ្យសិល្បកររបស់ពួកគេត្រូវនឹងស្តង់ដារសម្រស់ទាំងអស់ខាងលើនេះ។
ស្របគ្នានោះ Tina បានបង្ហាញថាតារា K-pop ជាច្រើនប្រើវិធីផ្សេងៗ ដើម្បីធ្វើឱ្យរាងកាយរបស់ពួកគេមើលទៅស្អាតជាងមុន ហើយក្រុមហ៊ុនកម្សាន្តនឹងស្នើឱ្យតារាល្បីៗទាំងនោះ ប្រើវិធីខុសៗគ្នា ដើម្បីបង្កើតរាងដ៏ទាក់ទាញនៅលើដងខ្លួនរបស់ពួកគេ ក្នុងនោះបច្ចេកវិជ្ជាឡាស៊ែរ ក៏តែងតែជាល្បិចដ៏ពេញនិយមបំផុត នៅពេលដែលតារាៗចង់កែលម្អរូបរាងរបស់ពួកគេផងដែរ។
ក្រៅពីនេះ ពណ៌ស្បែកក៏មានភាពចម្រូងចម្រាស ក្នុងប្រទេសកូរ៉េជាច្រើនឆ្នាំមកហើយដែរ ដែលស្បែកស តែងតែត្រូវបានចាត់ទុកថាជាស្តង់ដារ ដូច្នេះតារាៗមិនដែលស្ទាក់ស្ទើរក្នុងការស្វែងរកវិធីធ្វើឲ្យស្បែករបស់ពួកគេសស្លេកនោះទេ ទោះជាត្រូវប្រថុយនឹងគ្រោះថ្នាក់ក៏ដោយ ព្រោះបើមិនចឹង ពួកគេនឹងទទួលបានការរិះគន់ ពីទស្សនិកជនមិនខានទេ៕
ប្រភព : Kenh14.vn