បរទេស៖ ក្រុមហ៊ុន Tesla បានកើនឡើងតម្លៃទីផ្សារជាងចំនួន១ទ្រីលានដុល្លារ កាលពីថ្ងៃចន្ទ ដែលធ្វើឲ្យក្រុមហ៊ុននេះក្លាយជាក្រុមហ៊ុនទី៥ ដែលឈានដល់ចំណុចសំខាន់។ ភាគហ៊ុននៅក្នុងក្រុមហ៊ុនផលិតរថយន្តអគ្គិសនីនេះបានកើនឡើង១២.៦ភាគរយ បន្ទាប់ពីវាបានចុះកិច្ចព្រមព្រៀងលក់រថយន្តចំនួន១០០,០០០គ្រឿង ទៅឲ្យក្រុមហ៊ុនជួលរថយន្ត Hertz។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សTesla គឺជាក្រុមហ៊ុនផលិតរថយន្តដ៏មានតម្លៃបំផុតរបស់ពិភពលោក។ កាលពីមុនមានតែក្រុមហ៊ុន Apple, Microsoft, Amazon និង Alphabet ប៉ុណ្ណោះ ដែលបានឈានដល់តម្លៃប្រមាណ១ទ្រីលានដុល្លារ។ អស់រយៈពេលជាច្រើនឆ្នាំ ក្រុមហ៊ុន Tesla បានព្យាយាមបង្កើនការផលិតរថយន្តរបស់ខ្លួន ដែលនាំឲ្យអ្នកវិនិយោគមួយចំនួនប៉ាន់ស្មានថា វានឹងបរាជ័យ។
កិចព្រមព្រៀងជាមួយក្រុមហ៊ុន Hertz គឺជាការបញ្ជាទិញរថយន្តជួលដ៏ធំបំផុតមិនធ្លាប់មាន សម្រាប់រថយន្តអគ្គិសនី ហើយត្រូវបានគេមើលឃើញថា ជាការបង្ហាញឲ្យឃើញបន្ថែមនៃទំនុកចិត្ត។ ក្រុមហ៊ុន Hertz នឹងបង់ប្រាក់ចំនួន៤.២ពាន់លានដុល្លារ សម្រាប់ម៉ូឌែល 3s ក្នុងរយៈពេល១៤ខែខាងមុខ ដែលស្មើនឹងប្រហែលមួយភាគប្រាំនៃយានយន្តរបស់ខ្លួន។ ក្រុមហ៊ុនជួលនេះក៏នឹងសាងសង់បណ្ដាញស្ថានីយសាកថ្មផងដែរ៕
ប្រភព: BBC
Bong I.T