អឺរ៉ុប៖ ក្លិប Liverpool និង Manchester City ត្រូវបានគេរាយការណ៍ថាកំពុងតែតាមប្រមាញ់យកខ្សែបម្រើរបស់ Real Madrid គឺកីឡាករ Toni Kroos។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កុងត្រារបស់កីឡាករវ័យ ៣១ឆ្នាំ ខាងលើនៅឯកីឡដ្ឋាន Bernabue នឹងត្រូវផុតកំណត់នៅឆ្នាំ ២០២៣ហើយ ទោះយ៉ាងនៅក្នុងរដូវកាលនេះគេទើបតែបង្ហាញខ្លួនបានបីប្រកួតប៉ុណ្ណោះ ដោយសារគេមានបញ្ហារបួស។
ថ្មីៗនេះបើយោងទៅតាមរបាយការណ៍មួយបានចុះផ្សាយថា Liverpool កំពុងតែចាប់អារម្មណ៍ចង់បាន Kroos មកកាន់កីឡដ្ឋាន Anfield នៅដើមឆ្នាំ២០២២ នេះ ហើយបើមួយវិញទៀតយោងទៅតាមសារកាសែត El Nacional បានប្រកាសថា Man City ក៏មានបំណងចង់បានកីឡាករសញ្ជាតិអាល្លឺម៉ង់ខាងលើដែរ ដោយពួកគេប៊ិះនឹងយកគេបានម្តងហើយកាលពីឆ្នាំ២០១៤ ពេលគេចាកចេញពី Bayern Munich។
គួរបញ្ចាក់ផងដែរថា Kroos បង្ហាញខ្លួនឲ្យ R.Madrid បាន ៣២៣ប្រកួត រកបានគ្រាប់បាល់២២គ្រាប់ និង បញ្ចូលបាល់ឲ្យមិត្តរួមក្រុមបាន ៨០ដងនៅគ្រប់ព្រឹត្តិការណ៍ទាំងអស់៕
ប្រភព៖ Sportsmole