បរទេស៖ ខ្សែបម្រើរបស់ក្លិប Real Madrid បានធ្វើការនិយាយឆ្លើយតបចំៗទៅកាន់ពាក្យរិះគន់មួយដែលលោក Xavi Hernandez ធ្លាប់ថាឲ្យគេកាលពីឆ្នាំ ២០១៨។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីឆ្នាំ ២០១៨ លោក Xavi ធ្លាប់ថា Casemiro គឺជាខ្សែបម្រើម្នាក់ដែលមិនមានកម្រិតគុណភាពល្អដូចខ្សែបម្រើនៅក្លិប Barcelona ទេ ហើយលោកក៏បន្ថែមទៀតថា គេក៏គ្មានថ្ងៃយល់ពីរបៀបលេងឲ្យ Barca ដែរ។
Casemiro បានឆ្លើយតបទៅវិញថា៖
ខ្ញុំមិនខ្វល់ទេ លោកចង់និយាយអ្វីក៏និយាយទៅ សំខាន់ខ្ញុំចំណាយពេលនៅ R.Madrid តែ៤ឆ្នាំទេ ខ្ញុំឈ្នះបានពាន Champion League ៤ ហើយ។ ចុះលោកវិញត្រូវចំណាយពេលប៉ុន្មានឆ្នាំទើបបានឈ្នះពាននេះ?
គួរបញ្ជាក់ផងដែរថា Casemiro បានផ្លាស់មកពីក្លិប Sao Paulo នៃលីគកំពូលប្រេសុីលកាលឆ្នាំ ២០១៣ ដើម្បីមកចូលរួមជាមួយ R.Madrid ក្នុងតម្លៃខ្លូន ៦លានអឺរ៉ូ (ឬប្រមាណ ៧លានដុល្លារអាមេរិក) ហើយគេបានបង្ហាញខ្លួន ២៨៨ដង នឹងរកគ្រាប់បាល់បាន ៣០គ្រាប់ នៅក្នុងព្រឹត្តិការណ៍ទាំងអស់៕
ប្រភព៖ Just Football
Bong I.T