ស្ងាត់ៗ នៅ ស៊ីនឿន ដឹកដៃគូដណ្តឹងថត Pre-wedding ត្រៀមចូលរោងការ

រាជធានីភ្នំពេញ៖ ពិតណាស់ អ្នកណាៗក៏ស្គាល់ដែរ តារាចម្រៀងប្រុសល្បីឈ្មោះប្រចាំផលិតកម្មហង្សមាស លោក​ នៅ ស៊ីនឿន ហាក់ស្ងប់ស្ងាត់ពីវិស័យសិល្បៈជាយូរដែរហើយ តែថ្មីៗនេះ តារាចម្រៀងរូបនេះ ត្រូវបានគេដឹងថា បានដឹកដៃគូដណ្តឹងដែលជាអាណិកជនខ្មែរ រស់នៅសហរដ្ឋអាមេរិកទៅថត Pre- Wedding ដើម្បីត្រៀមសម្រាប់រៀបការឆាប់ៗខាងមុខនេះ។

សូមជម្រាបថា តារាចម្រៀង នៅ ស៊ីនឿន បានភ្ជាប់ជាមួយរួចមកហើយ កាលពីចុងឆ្នាំ២០១៨ ជាមួយគូដណ្តឹងជានារីខ្មែរអាណិកជនរស់នៅលើទឹកដីសហរដ្ឋអាមេរិក ដោយគិតមកទល់ពេលនេះ លោកបានភ្ជាប់ពាក្យជាមួយនារីខ្មែររូបនេះ អស់រយៈពេល៣ ឆ្នាំមកហើយ។

ចំពោះព័ត៍មានដែលថា តារាចម្រៀងរូបនេះ ទៅថតរូបអនុស្សារីយ៍នេះ តាមរយៈគណនីហ្វេសប៊ុកលោកផ្ទាល់។

បើតាមសំណេររបស់លោក នៅ ស៊ីនឿន បានសរសេររៀបរាប់​ភ្ជាប់ជាមួយរូបភាពច្រើនសន្លឹកដូច្នេះថា៖

ក្នុងនោះដែរ ទីតាំងដែលលោក និងគូដណ្តឹងជ្រើសរើសដើម្បីថត Pre-Wedding នេះ​គឺនៅលើកោះរ៉ុងដែលជាមួយក្នុងចំណោមកោះដ៏ស្រស់ស្អាតជាទីបំផុត នៅក្នុងប្រទេសកម្ពុជា៕