កូរ៉េខាងត្បូង ៖ ថ្មីៗនេះ ពាក្យចចាមអារ៉ាមបានរីករាលដាល ពាសពេញបណ្តាញសង្គម Twitter និងនៅលើវេទិកាសហគមន៍អនឡាញផ្សេងទៀត ដោយនិយាយថាបច្ចុប្បន្នតារាសម្តែង Kim Seon Ho កំពុងស្ថិតនៅក្នុងមន្ទីរពេទ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមពាក្យចចាមអារ៉ាមតាមអ៊ីនធើណែត នៅថ្ងៃទី ២២ ខែតុលា នេះបានផ្សព្វផ្សាយថា Kim Seon Ho ត្រូវបានគេនិយាយថា កំពុងសម្រាកព្យាបាលនៅមន្ទីរពេទ្យសាកលវិទ្យាល័យ ជិត Seongbuk-gu ជាងនេះទៅទៀតអ្នកនិយមលេងអ៊ីនធើណែតខ្លះ បានអះអាងថា បច្ចុប្បន្នអ្នកយកព័ត៌មាន កំពុងរង់ចាំនៅក្នុងបន្ទប់រង់ចាំរបស់មន្ទីរពេទ្យ ដោយសង្ឃឹមថានឹងអាចឃើញ Kim Seon Ho ឬអាចសួរសំណួរសំភាសន៍តារាប្រុសរូបនេះបាន។
ក្នុងនោះ ការបង្ហោះជនអនាមិកមួយបាននិយាយថា ៖
ពួកគេនិយាយថា អ្នកយកព័ត៌មានត្រូវបានប្រមូលផ្តុំគ្នា យ៉ាងសស្រាក់សស្រាំនៅក្នុងបន្ទប់រងចាំ នៅជាន់ទី ២ នៃមន្ទីរពេទ្យ…… ដែលមនុស្សម្នាក់កំពុងព្យាយាមសម្រាក ដោយភាពឯកជន ប៉ុន្តែអ្នកកាសែតសំរាមទាំងនោះនៅតែត្រូវការសម្ភាសន៍មិនថាមានរឿងអ្វីទេ ពិតជាឆ្កួតណាស់។
គួររំលឹកផងដែរថា នៅដើមសប្តាហ៍នេះនៅថ្ងៃទី ២០ ខែតុលា Kim Seon Ho បានចេញលិខិតសុំទោសជាផ្លូវការ តាមរយៈផលិតកម្មរបស់លោក ចំពោះភាពចម្រូងចម្រាសជុំវិញទំនាក់ទំនងរបស់លោក ជាមួយអតីតសង្សាររបស់ខ្លួន ដែលនាងបានចោទប្រកាន់លោកថា តារាប្រុសរូបនេះបង្ខំឲ្យនាងរំលូតកូន៕
ប្រភព : Allkpop
Bong I.T